ട്വന്റി20 ലോകകപ്പ് 2026; ഐസിസി യുടെ ആകെ സമ്മാനത്തുക 112 കോടി; ഇന്ത്യയ്ക്ക് എത്ര?

അഹമ്മദാബാദ് : ട്വന്റി20 വേൾഡ് കപ്പ് ടൂർണമെന്റ് വിജയികൾക്ക് വൻ പാരിതോഷികമാണ് ഐസിസി പ്രഖ്യാപിച്ചിട്ടുള്ളത്. 2024-ലെ ലോകകപ്പിനേക്കാൾ സമ്മാനത്തുകയിൽ 20 ശതമാനം വർദ്ധനവാണ് ഐസിസി വരുത്തിയിരിക്കുന്നത്. ഏകദേശം 112 കോടിയിലധികം രൂപയാണ് ആകെ സമ്മാനത്തുകയായി നൽകിയത്. ഇന്ത്യയും ശ്രീലങ്കയും സംയുക്തമായി ആതിഥേയത്വം വഹിച്ച ടൂർണമെന്റിലെ മികച്ച സ്‌പോൺസർഷിപ്പ് വരുമാനമാണ് സമ്മാനത്തുക ഉയരാൻ കാരണമായത്.

2024 ൽ ഇന്ത്യക്ക് ഏകദേശം 22.52 കോടി രൂപയാണ് ലഭിച്ചതെങ്കിൽ ഇത്തവണ അത് 27.48 കോടി രൂപയായി. രണ്ടാം സ്ഥാനക്കാരായ ന്യൂസിലന്‍ഡിന് ഏകദേശം 14.65 കോടി രൂപയും ലഭിച്ചു.

സെമിയിൽ പുറത്തായ ഇംഗ്ലണ്ടിനും ദക്ഷിണാഫ്രിക്കക്കും ഏകദേശം 7.24 കോടി രൂപ വീതം ലഭിച്ചു. സൂപ്പർ 8-ൽ എത്തിയ ടീമുകള്‍ക്ക് ഏകദേശം 3.48 കോടി രൂപ വീതം നല്‍കി. ഗ്രൂപ്പ് ഘട്ടത്തില്‍ പുറത്തായവർക്ക് ഏകദേശം 2.29 കോടി രൂപയും നൽകി.പങ്കെടുത്ത 20 ടീമുകൾക്കും സാമ്പത്തിക നേട്ടം ഉറപ്പാക്കുന്ന രീതിയിലാണ് ഐസിസി സമ്മാനത്തുക നിശ്ചയിച്ചിരിക്കുന്നത്.