ഹാർദിക് പാണ്ഡ്യ മുംബൈ ഇന്ത്യൻസ് വിടുന്നു? പുതിയ റിപ്പോർട്ട്

ന്യൂഡൽഹി: ഐപിഎൽ താരങ്ങളുടെ പട്ടിക പുറത്തുവരുന്നതിന് മുന്നോടിയായി ഹാർദിക് പാണ്ഡ്യ മുംബൈ ഇന്ത്യൻസ് വിടുന്നുവെന്ന് റിപ്പോർട്ട്. ഫാസ്റ്റ് ബൗളിംഗ് ഓൾറൗണ്ടറായ ഹാർദിക് പാണ്ഡ്യയെ കൈമാറ്റം ചെയ്യുന്നതിനായി പല ടീമുകളും മുംബൈ ഇന്ത്യൻസുമായി ബന്ധപ്പെടുന്നുണ്ടെന്ന അഭ്യൂഹങ്ങളാണ് ഇപ്പോൾ പുറത്തുവരുന്നത്.

താരത്തെ സ്വന്തമാക്കാൻ കൊൽക്കത്ത നൈറ്റ് റൈഡേഴ്സും ചെന്നൈ സൂപ്പർ കിംഗ്സും താല്പര്യം കാണിക്കുന്നതായി റിപ്പോർട്ടുണ്ട്. ലഖ്‌നൗ സൂപ്പർ ജയന്റ്സ്, രാജസ്ഥാൻ റോയൽസ് എന്നീ ടീമുകളും താത്പര്യം പ്രകടിപ്പിച്ചിട്ടുണ്ട്. ഡൽഹി ക്യാപിറ്റൽസിൽ നിന്ന് അക്സർ പട്ടേലിനെ പകരം ഉൾപ്പെടുത്തിയുള്ള ലേലത്തിന് മുംബൈ ഇന്ത്യൻസ് തയ്യാറായേക്കുമെന്നും അഭ്യൂഹങ്ങളുണ്ട്. എന്നാൽ പാണ്ഡ്യയെ മറ്റൊരു ടീമിലേക്കും മാറ്റിയേക്കില്ല എന്നും സൂചനകളുണ്ട്. ഹാർദിക്കിന് പകരം രാജസ്ഥാൻ റോയൽസിൽ നിന്ന് യുവ ഓപ്പണർ യശസ്വി ജെയ്‌സ്വാളിനെ സ്വന്തമാക്കാൻ മുംബൈ താല്പര്യപ്പെടുന്നുവെന്നും റിപ്പോർട്ടുണ്ട്. ലഖ്‌നൗവുമായുള്ള കൈമാറ്റലേലത്തിൽ വെസ്റ്റ് ഇൻഡീസ് താരം നിക്കോളാസ് പൂരന്റെ പേരും ഉയർന്നു കേൾക്കുന്നുണ്ട്. എന്നാൽ ഇതും നിലവിൽ വെറുമൊരു ഊഹാപോഹം മാത്രമാണ്.

സ്പിൻ ബൗളിംഗ് ഓൾറൗണ്ടറുടെ കുറവ് നികത്താൻ ഡൽഹി ക്യാപ്റ്റൻ അക്സർ പട്ടേലിനെ ലേലത്തിൽ വാങ്ങാൻ മുംബൈ ആലോചിച്ചേക്കാം എന്നും റിപ്പോർട്ടുകളിൽ പറയുന്നുണ്ട്. എന്നാൽ ഒരു പ്രമുഖ താരത്തെ മാത്രം പകരം നൽകിയുള്ള കൈമാറ്റത്തിന് മുംബൈ ഇന്ത്യൻസ് തയ്യാറായേക്കില്ല. ഹാർദിക്കിനെപ്പോലൊരു മികച്ച ഓൾറൗണ്ടറെ നൽകണമെങ്കിൽ ഒരു ലോകോത്തര ബാറ്ററെയും ബൗളറെയും ലഭിക്കണമെന്ന പിടിവാശിയിലാണ് ടീം മാനേജ്‌മെന്റ്.

ഹാർദിക്കിനെ കൊൽക്കത്ത നൈറ്റ് റൈഡേഴ്സിന് നൽകാൻ മുംബൈ തയ്യാറാവുകയാണെങ്കിൽ പകരം ഹർഷിത് റാണ, റിങ്കു സിംഗ് എന്നിവരെ സ്വന്തമാക്കാൻ ശ്രമിക്കണമെന്ന് മുൻ ഇന്ത്യൻ ഓൾറൗണ്ടർ രവിചന്ദ്രൻ അശ്വിൻ പറഞ്ഞിരുന്നു. "ഹാർദിക്കിന്റെ ട്രേഡിലൂടെ സിഎസ്കെയാണോ കെകെആറാണോ കൂടുതൽ ശക്തരാകുന്നത് എന്ന കാര്യവും മുംബൈ ആലോചിക്കും. കെകെആറിന് ഹാർദിക്കിനെ ലഭിച്ചാൽ അവർ പെട്ടെന്ന് അതിശക്തരായ ഒരു ടീമായി മാറും. ഹാർദിക് കൂടി എത്തുന്നതോടെ കെകെആറിന്റെ ബാറ്റിംഗ് നിര കൂടുതൽ അപകടകാരിയാകും" അശ്വിൻ കൂട്ടിച്ചേർത്തു.

2024 ഐപിഎൽ സീസൺ മുതൽ മുംബൈ ഇന്ത്യൻസിലേക്കുള്ള അദ്ദേഹത്തിന്റെ തിരിച്ചുവരവ് അത്ര വിജയകരമായിരുന്നില്ല. കഴിഞ്ഞ മൂന്ന് സീസണുകളിൽ ഒരു തവണ മാത്രമാണ് മുംബൈ ഇന്ത്യൻസിന് പ്ലേഓഫിൽ എത്താനായത്. പാണ്ഡ്യയുടെ ക്യാപ്റ്റൻസിക്ക് കീഴിൽ ടീമിന്റെ പ്രകടനം അത്ര പ്രതീക്ഷ നൽകുന്നതുമായിരുന്നില്ല. 2026 ഐപിഎല്ലിൽ 14 മത്സരങ്ങളിൽ നിന്ന് 4 ജയം മാത്രം നേടി മുംബൈ അവസാന സ്ഥാനത്തിന് തൊട്ടുമുമ്പിലായാണ് ഫിനിഷ് ചെയ്തത്.