വീണ്ടും നിരാശപ്പെടുത്തി അഭിഷേക് ശർമ; ടീമിൽ തുടരുന്നതിൽ വിമർശനം, സിംബാബ്‌വെക്കെതിരായ അവസാന ട്വന്റി20 ഇന്ന്

ഹരാരെ : തുടർച്ചയായ മൂന്നാം ട്വന്റി20 മത്സരത്തിലും രണ്ടക്കം കടക്കാനാകാതെ ഇന്ത്യൻ ഓപ്പണർ അഭിഷേക് ശർമ. മോശം ഫോമിലൂടെ കടന്നുപോകുന്ന താരത്തെ ടീമിൽ നിന്ന് മാറ്റിനിർത്താത്തതിനെതിരെ ശക്തമായ വിമർശനമാണ് ഉയരുന്നത്. അയർലൻഡിനെതിരെയുള്ള പരമ്പരയിലെ മോശം പ്രകടനത്തിന്റെ പേരിൽ സഞ്ജു സാംസണെ മാറ്റിനിർത്തിയത് ചൂണ്ടിക്കാണിച്ചാണ് ആരാധകരും നിരീക്ഷകരും വിമർശനം കടുപ്പിക്കുന്നത്.

3, 5, 8 എന്നിങ്ങനെയാണ് അഭിഷേകിന്റെ അവസാന മൂന്ന് മത്സരങ്ങളിലെ സ്കോറുകൾ. ഒടുവിൽ കളിച്ച ഒമ്പത് ട്വന്റി20കളിൽ നിന്ന് 189 റൺസ് മാത്രമാണ് താരത്തിന് നേടാനായത്. അയർലൻഡിനും ഇംഗ്ലണ്ടിനും എതിരായ പരമ്പരകളിലും അഭിഷേകിന് മികച്ച പ്രകടനം പുറത്തെടുക്കാൻ സാധിച്ചിരുന്നില്ല. ട്വന്റി20 ലോകകപ്പിലും മോശം ഫോമിലായിരുന്ന താരം എട്ട് മത്സരങ്ങളിൽ നിന്ന് 141 റൺസ് മാത്രമാണ് ആകെ നേടിയത്.

അതേസമയം, സിംബാബ്‌വെക്കെതിരെ നടക്കുന്ന മൂന്നാം ട്വന്റി20യിൽ തിളങ്ങുക എന്നത് അഭിഷേക് ശർമയ്ക്ക് ഏറെ അനിവാര്യമാണ്. പരമ്പരയിലെ ഈ അവസാന മത്സരം ഇന്നാണ് നടക്കുന്നത്. പരമ്പര തൂത്തുവാരുക എന്ന ലക്ഷ്യത്തോടെ ഇന്ത്യ കളത്തിലിറങ്ങുമ്പോൾ ആശ്വാസജയം മാത്രമാണ് സിംബാബ്‌വെയുടെ ലക്ഷ്യം.