പാഠപുസ്‌തത്തിലെ കവിയാ..

സിബിഎസ്ഇ ഏഴാം ക്ലാസ്‌ മലയാളം പാഠപുസ്തകത്തിൽ ഉൾപ്പെടുത്തിയ ‘കാലം തെറ്റിയ മഴ' എന്ന കവിതയിലൂടെ ശ്രദ്ധേയയായ കവി കെ വി മെസ്നക്ക് കവിതാ രചനയിലും ഉപന്യാസത്തിലും എ ഗ്രേഡ്. മലയാളം കവിതാരചനയിൽ മൂന്നാം തവണയാണ്‌ എ ഗ്രേഡ്‌ നേട്ടം. കണ്ണൂർ തളിപ്പറമ്പ് ടാഗോർ വിദ്യാനികേതൻ പ്ലസ് വൺ വിദ്യാർഥിനിയാണ്‌ മെസ്‌ന. ഈ വർഷം പാലക്കാട് നടന്ന സാമൂഹ്യ ശാസ്ത്രമേളയിലും എ ഗ്രേഡ് ലഭിച്ചിട്ടുണ്ട്. കേരള സർക്കാരിന്റെ ഉജ്വല ബാല്യം പുരസ്‌കാര ജേതാവാണ്‌. മുല്ലനേഴി കാവ്യപ്രതിഭാ പുരസ്കാരം, ഗാന്ധി പുരസ്കാരം, മലയാള കാവ്യസാഹിതിയുടെ സംസ്ഥാന കവിതാ പുരസ്കാരം എന്നിവയും നേടി. അധ്യാപകരായ കെ വി മെസ്‌മറിന്റെയും കെ കെ ബീനയുടെയും മകളാണ്.