മലപ്പുറം സ്വദേശി കുവൈത്തിൽ അന്തരിച്ചു

കുവൈത്ത് സിറ്റി: മലപ്പുറം സ്വദേശി കുവൈത്തിൽ അന്തരിച്ചു. വാണിയമ്പലം സ്വദേശി റിഷാദ് (29) ആണ് മരിച്ചത്. ഹൃദയാഘാതത്തെ തുടർന്നായിരുന്നു അന്ത്യം.

ജോലി ചെയ്യുന്നതിനിടെ ഹൃദയാഘാതമുണ്ടാവുകയായിരുന്നു എന്നാണ് വിവരം. രണ്ടു വർഷമായി കുവൈത്തിൽ ജോലി ചെയ്തു വരികയായിരുന്നു. അവധിക്ക് നാട്ടിലേക്ക് പോകാനിരിക്കെയാണ് മരണം.

പിതാവ്: അബ്ദുല്ല മഠത്തിൽ. മാതാവ്: അസ്മാബി. സഹോദരങ്ങൾ: നിസാർ, റിഷാന.