കാഞ്ഞങ്ങാട് സ്വദേശി അബുദാബിയിൽ അന്തരിച്ചു

അബുദാബി > കാഞ്ഞങ്ങാട് സ്വദേശി അബുദാബിയിൽ അന്തരിച്ചു. വ്യാപാരിയായ മാണിക്കോത്ത് മഡിയനിലെ എം പി ഇർഷാദ്(26) ആണ് മരിച്ചത്. രണ്ടാഴ്ച മുമ്പാണ് ഇർഷാദിന്റെ മാതാവ് മൈമൂന മരിച്ചത്. ഇതേത്തുടർന്ന് ഇർഷാദ് നാട്ടിലെത്തുകയും സംസ്‌കാരച്ചടങ്ങുകളും മറ്റും പൂർത്തിയാക്കിയ ശേഷം കഴിഞ്ഞദിവസം അബുദാബിയിൽ മടങ്ങിയെത്തുകയുമായിരുന്നു. ബുധൻ വൈകീട്ട് ആറിന് കടയ്ക്കുള്ളിൽ കുഴഞ്ഞുവീണ ഇർഷാദിനെ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല.