ഐക്യരാഷ്ട്രസഭ സെക്രട്ടറി ജനറൽ ഗുട്ടെറസിന് പരമോന്നത ബഹുമതി സമ്മാനിച്ചു

മസ്കത്ത് : ഐക്യരാഷ്ട്രസഭ സെക്രട്ടറി ജനറൽ അന്റോണിയോ ഗുട്ടെറസിന്റെ നയതന്ത്രപരവും രാഷ്ട്രീയവുമായ പങ്കിനും സമാധാനപരമായ സംഘർഷ പരിഹാരത്തിനും അന്താരാഷ്ട്ര സുരക്ഷയ്ക്കും പിന്തുണ നൽകുന്നതിനുള്ള അദ്ദേഹത്തിന്റെ ശ്രമങ്ങൾക്കും അംഗീകാരമായി സുൽത്താൻ ഹൈതം ബിൻ താരിക്ക് അദ്ദേഹത്തിന് ഫസ്റ്റ് ക്ലാസ് ഓർഡർ ഓഫ് ഒമാൻ നൽകിയതായി ഒമാന്റെ സ്റ്റേറ്റ് വാർത്താ ഏജൻസി തിങ്കളാഴ്ച അറിയിച്ചു.

ആഗോള സമാധാന സംരംഭങ്ങളിലും ഒമാനുമായുള്ള സഹകരണത്തിലും ഗുട്ടെറസ് നടത്തുന്ന തുടർച്ചയായ ഇടപെടലുകളെ അഭിനന്ദിച്ചുകൊണ്ട് അൽ ബറാക്ക കൊട്ടാരത്തിൽ സുൽത്താൻ നടത്തിയ സ്വീകരണത്തിനിടെയാണ് ഈ ബഹുമതി നൽകിയതെന്ന് ഏജൻസി പറഞ്ഞു. അന്താരാഷ്ട്ര തലത്തിൽ സ്ഥിരത, സമാധാനം, സഹകരണം എന്നിവ മെച്ചപ്പെടുത്തുന്നതിന് ഒമാനുമായുള്ള പങ്കാളിത്തം ശക്തിപ്പെടുത്തേണ്ടതിന്റെ പ്രാധാന്യത്തെപ്പറ്റി ഗുട്ടെറസ് സംസാരിച്ചു.