കിടപ്പുരോഗികൾക്ക് കേളി ഭക്ഷ്യധാന്യ കിറ്റ് വിതരണം ചെയ്തു

റിയാദ് : ആലപ്പുഴ ജില്ലയിലെ തൃക്കുന്നപ്പുഴ പഞ്ചായത്തിൽ കേളി കലാ സാംസ്കാരിക വേദിയുടെ ഹൃദയപൂർവ്വം കേളി പദ്ധതിയുടെ ഭാഗമായി ഭക്ഷ്യധാന്യ കിറ്റ് വിതരണം ചെയ്തു. പഞ്ചായത്തിലെ മൂന്നാം വാർഡിൽ കഴിയുന്ന അമ്പതോളം കിടപ്പുരോഗികളുടെ കുടുംബങ്ങൾക്കാണ് പാലിയേറ്റീവ് കെയർ പ്രവർത്തനങ്ങളുടെ ഭാഗമായി ഭക്ഷ്യധാന്യ കിറ്റ് വിതരണം ചെയ്തത്.

മൂന്നാം വാർഡ് തയ്യിൽ ജങ്ഷന് സമീപം നടന്ന വിതരണ ചടങ്ങ് സിപിഐ എം ഹരിപ്പാട് ഏരിയ സെക്രട്ടറി സി പ്രസാദ് ഉദ്ഘാടനം ചെയ്തു. പല്ലന ലോക്കൽ സെക്രട്ടറി സുനു ശ്രീധരൻ, ലോക്കൽ കമ്മിറ്റി അംഗവും മൂന്നാം വാർഡ് എൽഡിഎഫ് സ്ഥാനാർഥിയുമായ ഓമനകുട്ടൻ, രണ്ടാം വാർഡ് സ്ഥാനാർഥി മായ, നാലാം വാർഡ് സ്ഥാനർഥി സുജിത്ത്, ബ്രാഞ്ച് സെക്രട്ടറി ബിജുകുട്ടൻ എന്നിവർ സന്നിഹിതരായിരുന്നു. ലോക്കൽ കമ്മിറ്റി അംഗവും കേളി മുൻ രക്ഷാധികാരി സമിതി അംഗവുമായ ദയാനന്ദൻ സ്വാഗതവും മുൻ പഞ്ചായത്ത് അംഗം ഡി ശശി നന്ദിയും പറഞ്ഞു.