കേളി ദവാദ്മി ഏരിയ ഇ എം എസ് - എ കെ ജി അനുസ്മരണം

ദവാദ്മി: കേളി കലാ സാംസ്കാരിക വേദി ദവാദ്മി ഏരിയ ഇ എം എസ്- എ കെ ജി അനുസ്മരണവും തെരഞ്ഞെടുപ്പ് കൺവെൻഷനും സംഘടിപ്പിച്ചു. ദവാദ്മി ഏരിയാ ഓഫീസിൽ ഏരിയാ രക്ഷാധികാരി കമ്മറ്റി സെക്രട്ടറി ഷാജി പ്ലാവിളയിൽ അധ്യക്ഷനായ പരിപാടി കേളി രക്ഷാധികാരി കമ്മറ്റിയംഗം ചന്ദ്രൻ തെരുവത്ത്‌ ഉദ്ഘാടനം ചെയ്തു.ദാവാദ്മി ഏരിയാ സെക്രട്ടറി ഉമ്മർ അനുസ്മരണ കുറിപ്പ് അവതരിപ്പിച്ചു.

കേളി സെക്രട്ടറിയേറ്റ് അംഗവും ലോക കേരളസഭാംഗവുമായ നസീർ മുള്ളൂർക്കര, കേന്ദ്ര കമ്മിറ്റി അംഗം റഫീഖ് പാലത്ത്, കേളി ദവാദ്മി ഏരിയാ വൈസ് പ്രസിഡന്റുമാരായ മുഹമ്മദ്‌ റാഫി, ബിനു എന്നിവർ സംസാരിച്ചു. ഇന്ത്യയിലെ കമ്മ്യൂണിസ്റ്റ് പ്രസ്ഥാനത്തിന്റെ വികാസം ഇ എം എസ്സിന്റേയും എ കെ ജിയുടേയും ആത്മസമർപ്പണത്തിന്റെയും ത്യാഗോജ്വല പോരാട്ടങ്ങളുടെയും കൂടി ഫലമാണെന്നും ആധുനിക കേരള രൂപീകരണത്തിന് നേതൃത്വപരമായ പങ്കുവഹിച്ചവരാണ് നേതാക്കളെന്നും അനുസ്മരണ കുറിപ്പിൽ പറഞ്ഞു.ട

കഴിഞ്ഞ പത്ത് വർഷത്തെ ഇടതുപക്ഷ ഭരണത്തിലൂടെ സർവതല സ്പർശിയായ വികസനം കേരളത്തിന് കൈവരിക്കാനായെന്നും ഈ നേട്ടങ്ങളുടെ തുടർക്ക് വീണ്ടും ഇടതുപക്ഷത്തെ അധികാരത്തിൽ എത്തിക്കണമെന്നും കൺവെൻഷൻ അഭിപ്രായപ്പെട്ടു. ഏരിയാ പ്രസിഡന്റ് രാജേഷ് സ്വാഗതവും ഏരിയാ ജോയന്റ് സെക്രട്ടറി മോഹനൻ നന്ദിയും പറഞ്ഞു.