എമിറേറ്റ്‌സ്‌ എയർലൈൻസിൽ തൊഴിലവസരം; ഇന്ത്യയിലും അഭിമുഖം

ദുബായ്: എമിറേറ്റ്‌സ് എയർലൈൻസ് എൻജിനിയറിങ് വിഭാഗത്തിലേക്ക് സാങ്കേതിക വിദഗ്ധരെയും എൻജിനിയർമാരെയും നിയമിക്കാനായി വിപുലമായ റിക്രൂട്ട്‌മെന്റ് നടപടികൾ ആരംഭിച്ചു. ഏഷ്യ, യൂറോപ്, യുഎഇ എന്നിവിടങ്ങളിലായി നടക്കുന്ന നിയമന ക്യാമ്പയിന്റെ ഭാഗമായി ജൂലൈ, ആഗസ്‌ത്‌ മാസങ്ങളിൽ വിവിധ രാജ്യങ്ങളിൽ നേരിട്ടുള്ള അഭിമുഖങ്ങൾ സംഘടിപ്പിക്കും.

​ഇന്ത്യ, ശ്രീലങ്ക, മലേഷ്യ, തായ്‌ലൻഡ് തുടങ്ങിയ രാജ്യങ്ങളിലാണ് പ്രധാനമായും റിക്രൂട്ട്‌മെന്റ് സെഷനുകൾ നടക്കുക. ദുബായിലെ ആസ്ഥാനത്തും വിദേശ കേന്ദ്രങ്ങളിലുമായി എൻജിനിയറിങ്, മെയിന്റനൻസ്, ലോജിസ്റ്റിക്‌സ്‌ മേഖലകളിൽ നിരവധി ഒഴിവുകളാണുള്ളത്. ​ഇന്ത്യയിൽ മുംബൈ, ന്യൂഡൽഹി, ചെന്നൈ, അഹമ്മദാബാദ് എന്നിവിടങ്ങളിലാണ് അഭിമുഖങ്ങൾ നടക്കുക. മുംബൈയിൽ ജൂലൈ 21നും 22നും ലൈസൻസ്ഡ് എയർക്രാഫ്റ്റ് എൻജിനിയർ തസ-്‌തികയിലേക്കും ആഗസ്‌ത്‌ നാലിനും അഞ്ചിനും ക്യാബിൻ മെയിന്റനൻസ് വിഭാഗത്തിലെ ലൈസൻസ്ഡ് എയർക്രാഫ്റ്റ് എൻജിനിയർ തസ-്‌തികയിലേക്കുമാണ് അഭിമുഖം.

ന്യൂഡൽഹിയിൽ ജൂലൈ 24നും 25നും ലൈസൻസ്ഡ് എയർക്രാഫ്റ്റ് എൻജിനിയർ തസ-്‌തികയിലേക്കുള്ള അഭിമുഖം നടക്കും. ചെന്നൈയിൽ ആഗസ്‌ത്‌ 18നും അഹമ്മദാബാദിൽ ആഗസ്‌ത്‌ 24-നും വെയർഹൗസ്, ലോജിസ്റ്റിക-്‌സ്‌ അസിസ്റ്റന്റ് തസ-്‌തികകളിലേക്കാണ് അഭിമുഖം.

​എയർക്രാഫ്റ്റ് ടെക്‌നീഷ്യൻ, ലൈസൻസ്ഡ് എയർക്രാഫ്റ്റ് എൻജിനിയർ, സീനിയർ മെക്കാനിക്, വർക്ക്‌ഷോപ്പ് ക്യാബിൻ ടെക്‌നീഷ്യൻ, വെയർഹൗസ് ആൻഡ് ലോജിസ്റ്റിക-്‌സ്‌ അസിസ്റ്റന്റ് തുടങ്ങിയ തസ്തികകളിലാണ് പ്രധാനമായും നിയമനം. ദുബായ-്‌ക്ക്‌ പുറമെ ലണ്ടൻ, ഇസ-്‌താംബുൾ, ഹോങ്കോങ് തുടങ്ങിയ നഗരങ്ങളിലും ഒഴിവുകളുണ്ട്.

​ദുബായിലെ എമിറേറ്റ്‌സ് ആസ്ഥാനത്ത് മെയിന്റനൻസ്, പ്രൊക്യുർമെന്റ്, ടെക്‌നിക്കൽ പരിശീലനം തുടങ്ങിയ വിഭാഗങ്ങളിലായി പതിനാറോളം പുതിയ തസ-്‌തികകളിലേക്കും അപേക്ഷ ക്ഷണിച്ചിട്ടുണ്ട്. ലീഡ് എയർക്രാഫ്റ്റ് മെക്കാനിക്, വാറന്റി ഓഫീസർ, വർക്ക്‌ഷോപ്പ് മെയിന്റനൻസ് എൻജിനിയർ, പ്രൊക്യുർമെന്റ് മാനേജർ (എയർക്രാഫ്റ്റ്), എൻജിനിയറിങ് ടൈപ്പ് ഇൻസ്ട്രക-്‌ടർ (ബി 1) എന്നിവ പ്രധാന ഒഴിവുകൾ. ​എമിറേറ്റ്‌സിന്റെ ഔദ്യോഗിക കരിയർ പോർട്ടൽ വഴി അപേക്ഷ സമർപ്പിക്കാം. യോഗ്യതയുടെ അടിസ്ഥാനത്തിൽ തെരഞ്ഞെടുക്കപ്പെടുന്നവരെ അഭിമുഖത്തിനായി ക്ഷണിക്കും. ജോലിയുമായി ബന്ധപ്പെട്ട ഉത്തരവാദിത്വങ്ങൾ, ആനുകൂല്യങ്ങൾ, കരിയർ വളർച്ച സാധ്യതകൾ എന്നിവയെക്കുറിച്ചുള്ള വിശദവിവരങ്ങളും അഭിമുഖ വേളയിൽ ലഭ്യമാക്കും.