ഐഎസ്‌സി കേരള വിഭാഗം പായസമേള

മസ്‌കത്ത് : ഇന്ത്യൻ സോഷ്യൽ ക്ലബ് ഒമാൻ കേരള വിഭാഗം സംഘടിപ്പിച്ച പായസമേള സോഷ്യൽ ക്ലബ് ചെയർമാൻ സുഹൈൽ ഖാൻ ഉദ്ഘാടനം ചെയ്തു. കേരള വിഭാഗം കോ- കൺവീനർ ജഗദിഷ് കീരി അധ്യക്ഷനായി. ജനറൽ സെക്രട്ടറി കെ എം ഷക്കീൽ, കമ്യൂണിറ്റി വെൽഫെയർ സെക്രട്ടറി സന്തോഷ്കുമാർ, കേരള വിഭാഗം ട്രഷറർ സുനിത് തെക്കടവൻ, വനിതാവേദി കോ ഓർഡിനേറ്റർ ശ്രീജ രമേശ് എന്നിവർ സംസാരിച്ചു.

​മത്സരത്തിൽ കാരറ്റ് പായസവുമായി ഉഷ മധു ഒന്നാംസ്ഥാനം നേടി. ബീറ്റ്റൂട്ട് പായസവുമായി ലിജിന ജയചന്ദ്രൻ രണ്ടാം സ്ഥാനവും വാഴപ്പിണ്ടി പായസവുമായി നീതു അനിൽകുമാർ മൂന്നാംസ്ഥാനവും പി നസിയ പ്രോത്സാഹന സമ്മാനവും നേടി. ​മത്സരത്തിൽ പങ്കെടുത്ത എല്ലാവർക്കും സമ്മാനങ്ങൾ വിതരണം ചെയ്തു.