ബലിപെരുന്നാൾ: ദുബായിലെ സ്വകാര്യ സ്കൂളുകൾക്ക് ഒമ്പത് ദിവസത്തെ അവധി

ദുബായ്: ബലിപെരുന്നാൾ ആഘോഷങ്ങളുടെ ഭാഗമായി ദുബായിലെ സ്വകാര്യ സ്കൂളുകൾക്ക് ഒമ്പത് ദിവസത്തെ നീണ്ട അവധി ലഭിക്കും. മേയ് 25 തിങ്കളാഴ്ച മുതൽ മേയ് 29 വെള്ളിയാഴ്ച വരെയാണ് ഔദ്യോഗിക അവധിയായി ദുബായ് നോളജ് ആൻഡ് ഹ്യൂമൻ ഡെവലപ്‌മെന്റ് അതോറിറ്റി (KHDA) പ്രഖ്യാപിച്ചിരിക്കുന്നത്. ഇതിന് മുൻപും ശേഷവുമുള്ള ശനി, ഞായർ ദിവസങ്ങൾ കൂടി ചേരുന്നതോടെയാണ് അവധി ഒമ്പത് ദിവസമാകുന്നത്.

അവധിക്ക് ശേഷം ജൂൺ 1 തിങ്കളാഴ്ച സ്കൂളുകൾ വീണ്ടും തുറക്കുമെന്ന് അധികൃതർ അറിയിച്ചു. കുടുംബാംഗങ്ങളോടും പ്രിയപ്പെട്ടവരോടുമൊപ്പം സന്തോഷകരമായ ഈ അവധിക്കാലം ചിലവഴിക്കാൻ സാധിക്കട്ടെ എന്ന് കെഎച്ച്ഡിഎ തങ്ങളുടെ ഔദ്യോഗിക എക്സ് (X) ഹാൻഡിലിലൂടെ ആശംസിച്ചു. ഇതിനായുള്ള എല്ലാ ഒരുക്കങ്ങളും പൂർത്തിയായതായും അധികൃതർ വ്യക്തമാക്കി.