ദോഫാർ മാരത്തൺ ഡിസംബറിൽ

സലാല : മിഡിൽ ഈസ്റ്റ് ഗ്ലോബൽ ഇവന്റുമായി സഹകരിച്ച് സംഘടിപ്പിക്കുന്ന ദോഫാർ മാരത്തൺ ഡിസംബർ 17 മുതൽ 19 വരെ സലാലയിൽ നടക്കുമെന്ന്‌ - ദോഫാർ മുനിസിപ്പാലിറ്റി പ്രഖ്യാപിച്ചു. ദോഫാറിൽ നടക്കുന്ന ആദ്യത്തെ പൂർണദൂര മാരത്തൺ ആയിരിക്കുമിത്. ഒമാനിലും വിദേശത്തുമുള്ള അത-്‌ലറ്റുകളെ പരിപാടി ഒരുമിപ്പിക്കും.

ഗവർണറേറ്റിന്റെ സമ്പന്നമായ പ്രകൃതിദത്ത, ടൂറിസം ആസ്തികൾ വിനിയോഗിക്കാനുള്ള മുനിസിപ്പാലിറ്റിയുടെ നയത്തിന്റെ ഭാഗമായാണ് മാരത്തൺ സംഘടിപ്പിക്കുന്നതെന്ന് ദോഫാർ മുനിസിപ്പാലിറ്റി ചെയർമാൻ ഡോ. അഹമ്മദ് ബിൻ മൊഹ്‌സിൻ അൽ ഗസാനി പറഞ്ഞു. ​ഒരു സ്‌പോർട്‌സ്, ടൂറിസം കേന്ദ്രമെന്ന നിലയിൽ ദോഫാറിന്റെ സ്ഥാനം ശക്തിപ്പെടുത്താനും, ടൂറിസത്തിനെ പിന്തുണയ-്‌ക്കാനും, അന്താരാഷ-്‌ട്ര സ്‌പോർട്‌സ് ഇവന്റ് കലണ്ടറിൽ സലാലയുടെ സാന്നിധ്യം വർധിപ്പിക്കാനും ഈ സംരംഭം സഹായിക്കും.

​ദോഫാർ മുനിസിപ്പാലിറ്റി കെട്ടിടത്തിൽനിന്ന് ആരംഭിച്ച് 42.2 കിലോമീറ്റർ ദൈർഘ്യമുള്ള പൂർണമാരത്തണാണ്‌ നടത്തുക. സലാല വിമാനത്താവളം, എയർപോർട്ട് സ്ട്രീറ്റ്, ഇട്ടിൻ പ്ലെയിൻ, സുൽത്താൻ ഖാബൂസ് റോഡ്, അൽ ഹഫ, അൽ ബലീദ് ആർക്കിയോളജിക്കൽ പാർക്ക് എന്നിവ കടന്ന് അൽ ദഹാരിസ് ബീച്ചിൽ അവസാനിക്കും. ദീർഘദൂര ഓട്ടത്തിന്റെ വെല്ലുവിളിയും സലാലയുടെ ചില പ്രധാന ലാൻഡ്‌മാർക്കുകൾ അനുഭവിക്കാനുള്ള അവസരവും പങ്കാളികൾക്ക് സംയോജിപ്പിക്കുന്ന തരത്തിലാണ് റൂട്ട് രൂപകൽപ്പന ചെയ-്‌തിരിക്കുന്നത്.

​ഫുൾ മാരത്തണിന് പുറമേ, രണ്ടുപേർക്ക് പങ്കെടുക്കാവുന്ന റിലേയും ഓരോ പങ്കാളിയും 21.1 കിലോമീറ്റർ ഓടുന്ന നാല് പേർക്ക് പങ്കെടുക്കാവുന്ന റിലേയും ഓരോ പങ്കാളിയും 10.5 കിലോമീറ്റർ ഓടുന്ന റിലേയും പരിപാടിയിൽ ഉണ്ടായിരിക്കും. വ്യത്യസ-്‌ത പ്രായക്കാർക്കും ഫിറ്റ്നസ് നിലവാരത്തിനും അനുയോജ്യമായ കുട്ടികളുടെ മത്സരങ്ങളും കുടുംബ പ്രവർത്തനങ്ങളും പരിപാടിയിൽ ഉൾപ്പെടും.