രണ്ടാമത് ബോസ് കുഞ്ചേരി സാഹിത്യ പുരസ്‌ക്കാരത്തിന് അപേക്ഷകൾ ക്ഷണിച്ചു

ദുബായ് > യുഐഇയിലെ സാമൂഹിക സാംസ്കാരിക രംഗങ്ങളിൽ സജീവമായിരുന്ന ബോസ് കുഞ്ചേരിയുടെ സ്മരണാർത്ഥം ഓർമ ഏർപ്പെടുത്തിയ രണ്ടാമത് ബോസ് കുഞ്ചേരി സാഹിത്യ പുരസ്‌ക്കാരത്തിന് അപേക്ഷകൾ ക്ഷണിച്ചു . യുഎഇയിലെ സാംസ്കാരിക സംഘടനയായ ഓർമയുടെ നേതൃ നിരയിൽ സജീവ സാന്നിധ്യമായിരുന്ന ബോസ് കുഞ്ചേരി കോവിഡ് ദുരിതാശ്വാസ പ്രവർത്തനങ്ങൾക്കിടെ കോവിഡ് ബാധിതനായി 2021 ലാണ് മരിച്ചത്. കഥ, യാത്രാവിവരണം എന്നീ വിഭാഗങ്ങളിലാണ് പുരസ്‌ക്കാരങ്ങൾ നൽകുന്നത്. യുഎഇയിൽ നിന്നുള്ള എഴുത്തുകാരെയാണ് പുരസ്‌ക്കാരത്തിന് പരിഗണിക്കുന്നത്.

ഓർമ കേരള സാഹിത്യ അക്കാദമിയുടെ സഹകരണത്തോടെ ഫെബ്രുവരി 15,16 തീയതികളിൽ സംഘടിപ്പിക്കുന്ന സാഹിത്യോത്സവത്തോട് അനുബന്ധിച്ചാണ് പുരസ്കാരം വിതരണം ചെയ്യുന്നത്. നാട്ടിൽ നിന്നുള്ള പ്രമുഖ എഴുത്തുകാർ ഉൾപ്പെടുന്ന ജൂറിയാണ് രചനകളുടെ മൂല്യ നിർണയം നടത്തുന്നത്. ഇമെയിൽ വിലാസത്തിലേക്കാണ് രചനകൾ അയക്കേണ്ടത്. കഥ, യാത്രാവിവരണം എന്നിവക്ക് വിഷയ നിബന്ധനകൾ ഇല്ല. രചനകൾ യുഎഇ നിയമങ്ങൾക്ക് അനുസരിച്ചായിരിക്കണം. മലയാളത്തിലുള്ള രചനകൾ ആണ് പരിഗണിക്കുന്നത്. രചനകൾ എ4 സൈസിൽ പിഡിഎഫ് ഫോർമാറ്റിൽ ആയിരിക്കണം. കൃതികൾ പരമാവധി അഞ്ച് പേജിൽ കവിയാത്തതും 10 -12 ഫോണ്ട് സൈസിൽ ഉള്ളതുമായിരിക്കണം.

രചനകൾ പ്രിന്റ് ചെയ്യുന്ന പേജിൽ രചയിതാവിനെക്കുറിച്ചുള്ള യാതൊരു സൂചനകളും ഉൾപ്പെടുത്താൻ പാടില്ല. എഴുത്തുകാരന്റെ പൂർണമായ വിലാസം (ഇന്ത്യയിലും പുറത്തും ), ഇമെയിൽ, മൊബൈൽ, വാട്സാപ്പ് നമ്പർ, പാസ്പോർട്ട് സൈസ് ഫോട്ടോ എന്നിവ പ്രത്യേകമായി ഇമെയിൽ ചെയ്യണം. രചനകൾ മൗലികവും മറ്റൊരിടത്തും പ്രസിദ്ധപ്പെടുത്താത്തത് ആയിരിക്കണം. വിധികർത്താക്കളുടെ തീരുമാനം അന്തിമമായിരിക്കും. രചനകൾ ലഭിക്കേണ്ട അവസാന തീയതി ജനുവരി 15 ആണ്. കൂടുതൽ വിവരങ്ങൾക്ക് പ്രദീപ് തോപ്പിൽ (055 917 2099), അഡ്വ. അപർണ ശ്രീജിത്ത് (054 435 5396), മിനേഷ് രാമനുണ്ണി (058 920 4233) എന്നിവരെ ബന്ധപ്പെടാവുന്നതാണ്.