തേജസ് ദുരന്തത്തിന് പിന്നാലെ എച്ച് എ എൽ ഓഹരി ഇടിഞ്ഞു

മുംബൈ: ദുബായ് എയർ ഷോയിൽ വ്യോമ പ്രദർശനത്തിനിടെ ഹിന്ദുസ്ഥാൻ എയറോനോട്ടിക്സ് ലിമിറ്റഡ് (എച്ച്എഎൽ) നിർമ്മിച്ച തേജസ് വിമാനം തകർന്നതിന് തുടർച്ചയായി ഓഹരിവിപണിയിൽ തിരിച്ചടി.  തിങ്കളാഴ്ച രാവിലെയുള്ള വ്യാപാരത്തിൽ എച്ച് എ എൽ ഓഹരികൾ 8 ശതമാനത്തിലധികം ഇടിഞ്ഞു.

ബിഎസ്ഇയിൽ ഓഹരി വില 8.48 ശതമാനം ഇടിഞ്ഞ് 4,205.25 രൂപയിലെത്തി. തുടർന്ന് കമ്പനിയുടെ ഓഹരികൾ നേരത്തെ നഷ്ടപ്പെട്ട ചില ഓഹരികൾ വീണ്ടെടുക്കുകയും 4,433 രൂപയിൽ വ്യാപാരം നടത്തുകയും ചെയ്തു. എങ്കിലും കഴിഞ്ഞ ക്ലോസിനേക്കാൾ 3.53 ശതമാനം താഴ്ചയിലാണ്.

എൻഎസ്ഇയിൽ, ഓഹരി വില 4.13 ശതമാനം ഇടിഞ്ഞ് 4,405 രൂപയിലെ ഏറ്റവും താഴ്ന്ന നിലയിലെത്തി.

ദുബായ് എയർ ഷോയിലെ വ്യോമ പ്രദർശനത്തിനിടെ ഐഎഎഫ് പൈലറ്റ് വിങ് കമാൻഡർ നമാൻഷ് സിയാലിന്റെ ജീവൻ നഷ്ടപ്പെട്ടതിൽ എച്ച്എഎൽ ദുഃഖം പ്രകടിപ്പിച്ചു.

20 മാസത്തിനിടെ ഇത് രണ്ടാം തവണയാണ് എച്ച്എഎൽ നിർമ്മിച്ച വിമാനം അപകടത്തിൽപ്പെടുന്നത്. കഴിഞ്ഞ വർഷം മാർച്ചിൽ രാജസ്ഥാനിലെ ജയ്സാൽമീറിൽ സമാനമായ അപകടം നടന്നിരുന്നു. എന്നാൽ പൈലറ്റ് സുരക്ഷിതമായി ഇജക്ട് ചെയ്തു.