നാലാം ദിവസവും കരുത്ത് കാട്ടി രൂപ; വിപണിയിൽ ആത്മവിശ്വാസം

മുംബൈ : അമേരിക്കൻ കറൻസി ദുർബലമായതും ക്രൂഡ് ഓയിൽ വില കുറഞ്ഞതും വിപണിയെ ബാധിച്ചതിനാൽ തുടർച്ചയായ നാലാം ദിവസവും യുഎസ് ഡോളറിനെതിരെ രൂപയുടെ മൂല്യം ഉയർന്നു. ഇന്ന് ആദ്യ വ്യാപാരത്തിൽ തന്നെ ഡോളറിനെതിരെ ഇന്ത്യൻ രൂപ 5 പൈസ ഉയർന്ന് 95.66 എന്ന നിലയിലെത്തി.

വിദേശ നിക്ഷേപകർ ഇന്ത്യൻ ഓഹരികൾ വാങ്ങുന്നതിലേക്ക് തിരിഞ്ഞതും ആഭ്യന്തര ഓഹരി വിപണിയിലെ പോസിറ്റീവ് വികാരവും രൂപയ്ക്ക് പിന്തുണ നൽകിയതായി ഫോറക്സ് വ്യാപാരികൾ പറഞ്ഞു.

ഇന്റർബാങ്ക് ഫോറിൻ എക്സ്ചേഞ്ചിൽ രൂപയുടെ മൂല്യം 95.70 എന്ന നിലയിൽ ആരംഭിച്ച് ​ഗ്രീൻ ബാക്കിനെതിരെ 95.77 എന്ന നിലവാരത്തിലേക്ക് താഴ്ന്നു. തുടർച്ചയായ രണ്ട് സെഷനുകളിൽ 74 പൈസ നേട്ടമുണ്ടാക്കിയ രൂപ ചൊവ്വാഴ്ച യുഎസ് ഡോളറിനെതിരെ 17 പൈസ ഉയർന്ന് 95.82 എന്ന നിലയിലാണ് വ്യാപാരം അവസാനിപ്പിച്ചത്. ക്രൂഡ് ഓയിൽ വില 4.27 ശതമാനം ഉയർന്നെങ്കിലും ബാരലിന് 87.68 ഡോളറായി തുടർന്നു.