സ്വർണവില വീണ്ടും കുതിച്ചുയർന്നു: പവന് 56,800 രൂപ

കൊച്ചി > ആശങ്കകൂട്ടി സ്വര്‍ണവില വീണ്ടും കുതിച്ചുയര്‍ന്നു. ഇന്ന് 320 രൂപ വര്‍ധിച്ച്‌ പവന് 56,800 രൂപയും ​ഗ്രാമിന് 40 രൂപ വര്‍ധിച്ച് 7,100 രൂപയുമായി. മെയ് 20ന് രേഖപ്പെടുത്തിയ 55,120 രൂപയുടെ റെക്കോഡ് മറികടന്ന് ഈ മാസം 21ന് പവന്‍ 55, 680 രൂപയിലെത്തിയിരുന്നു.

അഞ്ചുദിവസത്തിനകം നാലുതവണയായി പവന് 1400 രൂപയും ഒമ്പതുമാസത്തിനുള്ളില്‍ 9640 രൂപയും വര്‍ധിച്ചു. പുതിയ വിലപ്രകാരം സംസ്ഥാനത്ത് ഒരുപവൻ ആഭരണം വാങ്ങാൻ പണിക്കൂലിയും നികുതിയും  ഉൾപ്പെടെ കുറഞ്ഞത് 61,136 രൂപ വേണം.