വായ്പാ തട്ടിപ്പുകൾ മൂന്നിരട്ടിയായി, രാജ്യം വിട്ടവർ ഇപ്പോഴും സുരക്ഷിത ദൂരത്തിൽ

ബാങ്കുകളെ പറ്റിച്ചും നികുതി വെട്ടിച്ചും ഓഹരിവിപണിയെ തന്നെ മാറ്റിമറിച്ചും നാടുവിട്ടവരും പിടിയിലാകാമായിരുന്നിട്ടും പിടി കിട്ടാപുള്ളികളായി കഴിയുന്നവരും നിരവധിയാണ്. നരേന്ദ്ര മേദി സർക്കാർ അധികാരത്തിൽ വന്നതിന് ശേഷം ഇത്തരത്തിൽ 28 പേരെങ്കിലും രാജ്യം വിട്ട് പരസ്യമായി ഒളിച്ചോടിയിട്ടുണ്ട്. അവർ കൊണ്ടുപോയത് രാജ്യം ആരോഗ്യ രംഗത്ത് ചിലവഴിക്കുന്ന മൊത്തം തുകയുടെ പകുതിയിലും അധികം വരും.

ഇവരിൽ വിജയ് മല്യ കഴിഞ്ഞ മാസം രാജ്യത്തേക്ക് മടങ്ങാനുള്ള ആഗ്രഹം പ്രകടിപ്പിച്ചു. 9000 കോടിയിലധികം രൂപ പൊതു നികുതിയുമായി മുങ്ങിയ വ്യക്തിയാണ് വിജയ് മല്യ. വഞ്ചന, ക്രിമിനൽ ഗൂഢാലോചന, കള്ളപ്പണം വെളുപ്പിക്കൽ തുടങ്ങി നിരവധി കുറ്റങ്ങൾ മല്യക്കെതിരെ നിലനിൽക്കുന്നുണ്ടായിരുന്നു. രാജ്യം വിടുന്നതിന് മുമ്പ് അന്നത്തെ ധനമന്ത്രിയായിരുന്ന അന്തരിച്ച അരുൺ ജെയ്റ്റ്‌ലിയെ ലണ്ടനിലേക്ക് പോകുന്ന കാര്യം അറിയിച്ചിരുന്നുവെന്ന്ആദ്ദേഹം ആവർത്തിച്ച് വ്യക്തമാക്കിയിട്ടുണ്ട്. വിജയ് മല്യ വരെ കോൺഗ്രസ് പിന്തുണയിൽ രാജ്യ സഭയിൽ എത്തിയ ആളാണ് എന്നതും മറക്കരുതാത്തതാണ്.

2014-2023 രാജ്യത്തെ ബാങ്കുകളെ കബളിപ്പിച്ച് രാജ്യം വിട്ടുപോയ 28 പേരിൽ വിജയ് മല്യ ഒഴികെ എല്ലാവരും ഗുജറാത്ത് സംസ്ഥാനത്തിൽ നിന്നുള്ള വ്യവസായികളോ വ്യാപാരികളോ ആയിരുന്നു. ഒരു ലക്ഷം കോടിയോളം വരും ഇവരെല്ലാം ചേർന്ന് പൊതുമേഖലാ ബാങ്കുകളെ കബളിപ്പിച്ച് തട്ടിയെടുത്ത തുക. പിടികിട്ടാപ്പുള്ളികളായി പ്രഖ്യാപിച്ച ഇവരിൽ ഒരാൾ ലളിത് മോദി  അടുത്തിടെയാണ് രാജ്യം സന്ദർശിച്ച് തിരിച്ച് പോയത്.

2018 ൽ നടപ്പിലാക്കിയ ഫ്യുജിറ്റീവ് ഇക്കണോമിക് ഒഫെൻഡേഴ്‌സ് ആക്ട് (എഫ്.ഇ.ഒ.എ) പ്രകാരം കഴിഞ്ഞ അഞ്ച് വർഷത്തിനിടെ ഫ്യുജിറ്റീവ് ഇക്കണോമിക് ഒഫെൻഡേഴ്‌സ് ആക്ട് (എഫ്.ഇ.ഒ.എ) പ്രകാരം നീരവ് മോദി, വിജയ് മല്യ, ഇക്ബാൽ മിർച്ചിയുടെ ഭാര്യ ഹജ്ര ഇക്ബാൽ മേമൻ, മക്കളായ ജുനൈദ് മേമൻ, ആസിഫ് ഇക്ബാൽ മേമൻ എന്നിവർ ഉൾപ്പെടെ 14 പേർക്കെതിരെ കേസ് നിലനിൽക്കുന്നുണ്ട്.

എൻഫോഴ്‌സ്‌മെന്റ് ഡയറക്ടറേറ്റ് വാർഷിക റിപ്പോർട്ടിൽ ഇവരുടെ പേരുകൾ വ്യക്തമാക്കുന്നു. സന്ദേശര ഗ്രൂപ്പ് പ്രൊമോട്ടർമാരായ നിതിൻ, ചേതൻ, ദീപ്തി സന്ദേശര; ഗുജറാത്ത് ആസ്ഥാനമായുള്ള സ്റ്റെർലിംഗ് ബയോടെക് ഗ്രൂപ്പുമായി ബന്ധപ്പെട്ട 8,100 കോടി രൂപയുടെ ബാങ്ക് വായ്പ തട്ടിപ്പിൽ പ്രതിയായ ഹിതേഷ് പട്ടേൽ; സൈലോഗ് സിസ്റ്റംസ് ലിമിറ്റഡ് പ്രൊമോട്ടർമാരായ സുദർശൻ വെങ്കിട്ടരാമൻ, രാമാനുജം ശേഷരത്നം എന്നിവരാണ് 14 പേരുടെ പട്ടികയിലുള്ള മറ്റുള്ളവർ.

24 വ്യക്തികൾ ലിസ്റ്റിൽ ഉണ്ടായിരുന്നു. എന്നാൽ നടപടി വന്നപ്പോൾ 14 ആയി. 2018 ലെ നിയമപ്രകാരം ഇ ഡി ഇതുവരെ 900 കോടി രൂപയുടെ സ്വത്തുക്കളാണ് കണ്ടുകെട്ടിയത്.

ജയിലറകളല്ല, തുറന്നു നൽകിയത് രക്ഷാമാർഗ്ഗം

ഇപ്പോൾ ഇവർക്കെല്ലാം റിസർവ്വ് ബാങ്ക് നിബന്ധന പുതുക്കുക വഴി പുതിയ രക്ഷാമാർഗ്ഗവും തുറന്ന് കൊടുത്തിട്ടുണ്ട്. വെട്ടിപ്പുകാർക്കും മറ്റു വായ്പ കുടിശികക്കാരെപ്പോലെ വായ്പ റീസ്ട്രക്ച്ചർ ചെയ്യുന്നതിന് ബാങ്കുകളെ സമീപിക്കാം. വായ്പയുടെ പലിശയും മുതലിന്റെ ഒരു ഭാഗവും ഉഭയകക്ഷി ചർച്ചയിലൂടെ വേണ്ടെന്നുവച്ച് നിലവിലുള്ള കുടിശിക വായ്പയെ പുതിയ വായ്പയായി മാറ്റുന്ന പരിപാടിയാണ് റീസ്ട്രക്ച്ചറിംഗ് എന്ന് ഓമനപ്പേരിൽ നൽകിയിരിക്കുന്നത്. തട്ടിപ്പുകാർക്കും വെട്ടിപ്പുകാർക്കും ഇനിമേൽ തങ്ങളുടെ വായ്പ കുടിശിക ഇത്തരത്തിൽ ഒറ്റത്തവണ തീർപ്പുകല്പ്പിക്കുന്നതിന് ബാങ്കുകളെ സമീപിക്കാം. ബാങ്കുമായി ധാരണയെത്തിയാൽ അവർക്കുള്ള വായ്പാ നിരോധനം ഒഴിവാകും. പിന്നെയും തട്ടിപ്പിനും ബാങ്കിൽ നിന്നും വായ്പയെടുക്കാം.

മോദിയുടെ ആദ്യത്തെ എട്ടുവർഷക്കാലത്തിനിടയിൽ ബാങ്കുകളുടെ മൊത്തം നിഷ്ക്രിയാസ്തികൾ 66.5 ലക്ഷം കോടി രൂപ ആയിരുന്നു. ഇതിൽ 14.5 ലക്ഷം കോടി രൂപ എഴുതിത്തള്ളി. പത്ത് വർഷം പൂർത്തിയായതോടെ 16.11 ലക്ഷം കോടിയായി.  നിഷ്ക്രിയാസ്തികളുടെ 22 ശതമാനത്തിൽ അധികം ഇങ്ങനെ ജയിൽ അഴിക്ക് പുറത്തായിരിക്കയാണ്.

കിട്ടാക്കടങ്ങൾ കേസ് നടത്തി തിരികെ വാങ്ങുമെന്നാണ് ബിജെപി നേതാക്കൾ മൈതാന പ്രസംഗം നടത്തിയിരുന്നത്. ഇതുവരെ ഇത്തരത്തിൽ തിരിച്ചു പിടിച്ചത് എല്ലാ വർഷവും 10- മുതൽ 20 ശതമാനം വരെ മാത്രമേ വരൂ. ഇതിന് പകരമാണ് ഭീമൻ തട്ടിപ്പുകാർക്കും വെട്ടിപ്പുകാർക്കും റീസട്രക്ചറിങ് എന്ന പേരിൽ പൊതുമാപ്പ് കൂടി നൽകുന്ന അവസരം ഒരുക്കിയത്. രാഷ്ട്രീയ സ്വാധീനംവച്ച് ബാങ്കുകളുമായി ഒത്തുതീർപ്പിലെത്തി തട്ടിപ്പ് തുടരാം എന്നാണ് ഇതിന്റെ സംക്ഷിപ്താർത്ഥം.

കടത്തിക്കൊണ്ടു പോയതിൽ

15 ശതമാനവും ഗുജറാത്തിൽ നിന്ന്

തട്ടിപ്പുകളുടെ 15 ശതമാനം തുകയും കൊണ്ടു പോയത് ഗുജറാത്ത് വഴിയാണ്. ഋഷി അഗർവാളിന്റെ എബിജി ഷിപ്പ് യാർഡ് 28 ബാങ്കുകളിൽ നിന്ന് 23000 കോടി രൂപയാണ് ചോർത്തിയിട്ടുള്ളത്. വിൻസം ഡയമണ്ട്സിന്റെ ജതിൻ മേത്ത അദാനിയുടെ ബന്ധുവാണ്. വിജയ് മല്യ, മെഹുൽ ചോംക്സി, നീരവ് മോദി തുടങ്ങിയവർക്കൊക്കെ വിദേശത്ത് ഒളിവിൽ കഴിയേണ്ട സാഹചര്യം ഒഴിവാക്കി നൽകിയിരിക്കയാണ്.

യുപി തെരഞ്ഞെടുപ്പിൽ വിജയിക്കാൻ മുദ്രാ ലോൺ ഉദാരമായി വിതരണം ചെയ്തത് വാർത്തയായിരുന്നു. അവയിൽ നല്ലപങ്കും കുടിശികയാണ്. മുദ്രാ വായ്പ കുടിശികയായാൽ 25 ശതമാനം ബാങ്ക് നൽകിയാൽ മതി. 75 ശതമാനം കേന്ദ്ര സർക്കാർ ഉണ്ടാക്കിയ ഗ്യാരണ്ടി ഫണ്ടിൽ നിന്നും നൽകും എന്ന വിടുതലാണ് പിന്നാലെ നൽകിയത്.

2016 മുതൽ ഇന്ത്യയില്‍ എത്താന്‍ വിസമ്മതിച്ച് ഇംഗ്ലണ്ടില്‍ താമസിക്കുകയാണ് മല്യ. തന്റെ പേരിലുളള സാമ്പത്തിക കുറ്റകൃത്യങ്ങളുടെ ആരോപണങ്ങളെ രാജ് ഷമാനിക്കൊപ്പമുളള പോഡ്‌കാസ്റ്റ് വീഡിയോയിൽ മല്യ തള്ളിയിരുന്നു. രാജ്യത്തിന് പുറത്ത് താമസിക്കുന്നതിനാല്‍ ഒരു പിടികിട്ടാപ്പുള്ളി എന്ന് വിളിക്കാം, പക്ഷേ താൻ ഓടിപ്പോയില്ല. മുൻകൂട്ടി നിശ്ചയിച്ച ഒരു സന്ദർശനത്തിനാണ് താൻ ഇംഗ്ലണ്ടില്‍ വന്നത്. എന്ന് നിശ്ചയിച്ച് നൽകിയ രക്ഷാ പദ്ധതി ഒരുക്കിക്കൊടുത്തവരെ കുറിച്ച് സൂചിപ്പക്കയും ചെയ്തു.

ജയിലിലാക്കാതെ രാജ്യത്തിന്റെ അതിർത്തി ചാടാൻ അവസരം ഒരുക്കി നൽകുകയായിരുന്നു. 2013 ല്‍ ഫോർബ്‌സിന്റെ കണക്കനുസരിച്ച് 75 കോടി ഡോളറായിരുന്നു മല്യയുടെ ആസ്തി.

യുപിഎ കാലത്ത് തെറ്റ്

അധികാരത്തിലായപ്പോൾ ശരി

യുണൈറ്റഡ് പ്രോഗ്രസീവ് അലയൻസ് ഭരണകാലത്തും എഴുതി തള്ളിയിരുന്നു. അന്ന് 2 ലക്ഷം കോടി രൂപ കോർപ്പറേറ്റുകൾക്ക് വിടുതൽ നൽകി. അന്ന് ബിജെപിയും സഖ്യകക്ഷികളും ഇതിനെ സംഘടിത കുറ്റകൃത്യം എന്നാണ് വിശേഷിപ്പിച്ചിരുന്നത്. എൻഡിഎയുടെ കീഴിലുള്ള ഈ 16.11 ലക്ഷം കോടി രൂപയുടെ എഴുതിത്തള്ളലിന്റെ എട്ടിലൊന്ന് മാത്രം തുകയായിരുന്നു അത്. രണ്ട് ലക്ഷം കോടിയിൽ നിന്ന് മോദി കാലത്ത് 16.11 ലക്ഷം കോടി രൂപയിലേക്ക് എത്തി.

കേന്ദ്ര ബജറ്റിൽ രാജ്യത്തെ വിദ്യാഭ്യാസത്തിനുള്ള മൊത്തം വകയിരുത്തൽ ഇതിനേക്കാൾ നാൽപ്പത് ശതമാനം കുറവാണ്. കേന്ദ്ര സർക്കാർ ആരോഗ്യ രംഗത്ത് മൊത്തം ചിലവഴിക്കുന്നത് ഇതിന്റെ പകുതിയിൽ താഴെ സംഖ്യ മാത്രമാണ്. കോൺഗ്രസ് ഭരണത്തിലിരുന്നപ്പോഴും കോർപ്പറേറ്റ് കുറ്റവിമുക്തി നാടകം തുടരുക തന്നെയായിരുന്നു. ബിജെപി വന്നപ്പോൾ അത് പതിന്മടങ്ങ് ഇരട്ടിപ്പിച്ചു.

രാജ്യത്തെ ബാങ്കുകളിലെ പണം നശിപ്പിക്കയല്ല ഇവർ ചെയ്തത്. സ്വന്തം കീശയിലാക്കി സമാധാന പൂർവ്വം നാടുകടക്കുകയാണ്. അതിന് ഒത്താശ നൽകിയവർ എല്ലാം നിയന്ത്രിക്കയും കാവലിനെ കുറിച്ച് വീമ്പിളക്കുകയും ചെയ്ത് വാഴുന്നു.

ബാങ്ക് തട്ടിപ്പുകളും മൂന്നിരട്ടിയായി

റിസർവ് ബാങ്ക് ഓഫ് ഇന്ത്യ (ആർബിഐ) റിപ്പോർട്ട് ചെയ്തതനുസരിച്ച്, ബാങ്ക് തട്ടിപ്പുകളിൽ ഗണ്യമായ വർധനവുണ്ടായിട്ടുണ്ട്. 2025 മാർച്ചിൽ ഇത് 194 ശതമാനം അല്ലെങ്കിൽ മൂന്ന് മടങ്ങ് വർദ്ധിച്ച് 36,014 കോടി രൂപയായി. മുൻ വർഷം ഇത് 12,230 കോടി രൂപയായിരുന്നു. ഇതിൽ 25,667 കോടി രൂപയുടെ തട്ടിപ്പുകൾ പൊതുമേഖലാ ബാങ്കുകളിൽ നിന്നാണ് റിപ്പോർട്ട് ചെയ്തതെന്ന് ആർ‌ബി‌ഐയുടെ 2024-25 ലെ വാർഷിക റിപ്പോർട്ട് പറയുന്നു.

നാടുകടന്നവർ

1. വിജയ് മല്യ

2. മെഹുല്‍ ചോക്‌സി

3. നീരവ് മോദി

4. നിഷാന്‍ മോദി

5. പുഷ്‌പേഷ് ബൈദ്യ

6. അഷിഷ് ജൊബാന്പുഷത്ര

7. സണ്ണി കാര്ള്

8. ആര്തി  കാര്ള്

9. സഞ്ജയ് കാര്ളത

10. വര്ഷയ കാര്ളദ

11. സുധീര്‍ കാര്ള

12. ജതിന്‍ മേഹ്ത

13. ഉമേഷ് പരീഖ്

14. കമലേഷ് പരീഖ്

15. നിലേഷ് പരീഖ്

16. വിനയ് മിത്തല്‍

17. ഏകലവ്യ ഗാര്ഗ്

18. ചേതന്‍ ജയന്തിലാല്‍

19. നിതിന്‍ ജയന്തിലാല്‍

20. ദീപ്തി ചേതന്‍

21. സവിയ സേഥ്

22. രാജീവ് ഗോയല്‍

23. അല്കവ ഗോയല്‍

24. ലളിത് മോദി

25. റിതേഷ് ജെയ്ന്‍

26. ഹിതേഷ് നാഗേന്ദ്രഭായ് പട്ടേല്‍

27. മയൂരിബെന്‍ പട്ടേല്‍

28. ആഷിഷ് സുരേഷ് ഭായ്