വനിതയെ വോട്ട്‌ ചെയ്യാൻ അനുവദിച്ചില്ല: 
ബൂത്തിൽ സംഘർഷം

കായംകുളം ​

പോളിങ്‌ സമയം അവസാനിക്കുന്നതിനുമുമ്പേ പോളിങ്‌ സ്റ്റേഷനിൽ പ്രവേശിച്ച വനിതാ വോട്ടറെ വോട്ട് ചെയ്യാനനുവദിക്കാതെ യുഡിഎഫ് പ്രവർത്തകർ തടഞ്ഞത് സംഘർഷത്തിൽ കലാശിച്ചു. ചേരാവള്ളിയിലെ 107–-ാം നമ്പർ ബൂത്തിലാണ് സംഭവം. പോളിങ്‌ അവസാനിക്കുന്നതിനുമുമ്പേ പോളിങ്‌ സ്റ്റേഷനുള്ളിൽ വനിതാ വോട്ടർ പ്രവേശിച്ചെങ്കിലും കോൺഗ്രസ്‌ പ്രവർത്തകർ ബൂത്തിനുള്ളിലേക്ക് തള്ളിക്കയറി വോട്ട് ചെയ്യുന്നത്‌ തടയുകയായിരുന്നു. സംഘർഷത്തിൽ കോൺഗ്രസ്‌ പ്രവർത്തകർ വോട്ടറെ കൈയേറ്റം ചെയ-്‌തു. സംഭവമറിഞ്ഞ് എൽഡിഎഫ് സ്ഥാനാർഥി യു പ്രതിഭ, നേതാക്കളായ കെ എച്ച് ബാബുജാൻ, എ ഷാജഹാൻ, ബി അബിൻഷാ, എസ് കേശുനാഥ്, ജി അനിൽ എന്നിവർ സ്ഥലത്തെത്തി. വനിതാ വോട്ടറെ വോട്ട് ചെയ്യിക്കണമെന്ന ഉറച്ച നിലപാട് നേതാക്കൾ സ്വീകരിച്ചതോടെ രാത്രി എട്ടോടെ വോട്ട് രേഖപ്പെടുത്തി. നടപടി ക്രമങ്ങൾ പൂർത്തീകരിച്ച്‌ ഒമ്പതോടെയാണ്‌ ഉദ്യോഗസ്ഥർ ബൂത്ത്‌ വിട്ടത്.