പ്രിയങ്കരൻ പ്രസാദ്‌

ചേർത്തല

ചേർത്തല മണ്ഡലം എൽഡിഎഫ്‌ സ്ഥാനാർഥി പി പ്രസാദ്‌ കടക്കരപ്പള്ളി, വയലാർ പഞ്ചായത്തുകളിൽ വോട്ടർമാരെ സന്ദർശിച്ച്‌ പിന്തുണ ഉറപ്പിച്ചു. കടൽക്ഷോഭത്തിൽനിന്ന്‌ തീരജനതയെ കാക്കുന്നതിൽ ശക്തമായ ഇടപെടലിലൂടെ ടെട്രാപോഡ്‌ പദ്ധതി എത്തിച്ച പ്രസാദിനെ തീരഗ്രാമമായ കടക്കരപ്പള്ളി മനസിൽ പ്രതിഷ്‌ഠിക്കുന്നതിന്റെ തെളിവായി നാടിന്റെ പ്രതികരണം. ​ എണ്ണിയാലൊടുങ്ങാത്ത വികസന പദ്ധതികൾ എത്തിച്ചതിന്റെ കൃതജ്ഞതയോടെയാണ്‌ വയലാർ ജനത സ്വീകരിച്ചത്‌. തൊഴിലിടങ്ങളും സ്ഥാപനങ്ങളും ആരാധനാലയങ്ങളും വീടുകളും സങ്കേതങ്ങളും സന്ദർശിച്ചാണ്‌ വോട്ടർമാരെ കണ്ടത്‌. എംഎൽഎ, മന്ത്രി പദവികളുടെ പത്രാസേതുമില്ലാതെ സാധാരണക്കാരനായി എവിടെയും ഓടിയെത്തുന്ന പ്രസാദ്‌ നാടിന്റെ പ്രിയങ്കരനെന്ന്‌ തെളിയിക്കുന്നതായി എല്ലായിടത്തെയും നാട്ടുകാരുടെ പ്രതികരണം.