തീരദേശ ഹൃദയത്തിലൂടെ എച്ച് സലാം

അമ്പലപ്പുഴ ​
തീരദേശ ജനതയുടെ ഹൃദയങ്ങൾ കീഴടക്കി എച്ച് സലാമിന്റെ റോഡ് ഷോ. നൂറുകണക്കിന് വാഹനങ്ങളുടെ അകമ്പടിയിൽ പുന്നപ്ര സാഗര ആശുപത്രി ജങ്ഷനിൽനിന്ന് തീരദേശ പാതയിലൂടെയായിരുന്നു റോഡ് ഷോ. ​ അഞ്ചുവർഷത്തിനിടെ മണ്ഡലത്തിൽ കാഴ-്‌ചവച്ച വികസന പ്രവർത്തനങ്ങൾ ചുരുക്കം വാക്കുകളിൽ വിവരിക്കുന്ന അനൗൺസ-്‌മെന്റ്‌ വാഹനം റാലിയുടെ വരവറിയിച്ച് കടന്നുപോകുന്ന ഘട്ടത്തിൽ, അമ്പലപ്പുഴയിൽ വികസന വിപ്ലവം തീർത്ത ജനനായകനെ കാണാൻ പാതക്കിരുഭാഗവും സ്ത്രീകളും കുട്ടികളുമടക്കമുള്ളവർ അണിനിരന്നു. ​ തുറന്ന ജീപ്പിൽ അഭിവാദ്യങ്ങൾക്ക്‌ പ്രത്യഭിവാദ്യമർപ്പിച്ചെത്തിയ എച്ച് സലാമിനെ പൂമാലയണിയിക്കാനും പൂക്കളർപ്പിക്കാനും ഷാളണിയിക്കാനുമായി ജനങ്ങൾ തിരക്കുകൂട്ടി. ജീപ്പിൽ നിന്നിറങ്ങി, കൂടി നിന്നവർക്ക് ഹസ-്‌തദാനം നൽകിയും ആശ്ലേഷിച്ചും തീരവാസികളുടെ ഇടനെഞ്ചിൽ ഇടമുറപ്പിച്ച് റാലി തോട്ടപ്പള്ളി നാലുചിറയിൽ സമാപിച്ചു. തെരഞ്ഞെടുപ്പ് മണ്ഡലം കമ്മിറ്റി സെക്രട്ടറി എ ഓമനക്കുട്ടൻ, പ്രസിഡന്റ്‌ ഇ കെ ജയൻ, സിപിഐ എം ഏരിയ സെക്രട്ടറി സി ഷാംജി എന്നിവർ നേതൃത്വം നൽകി.