മമ്മൂട്ടിയും മോഹൻലാലും ഒന്നിക്കുന്നു; ലൊക്കേഷൻ ചിത്രങ്ങൾ പങ്കുവെച്ച് കുഞ്ചാക്കോ ബോബൻ

കൊളംബോ> മമ്മൂട്ടിയും മോഹൻലാലും ഒന്നിക്കുന്ന സിനിമയിലെ ലൊക്കേഷൻ ചിത്രങ്ങൾ സോഷ്യൽ മീഡയിൽ തരം​ഗമാവുന്നു.  സംവിധായകൻ മഹേഷ് നാരായണന്റെ ലൊക്കേഷനിൽ നിന്നും മമ്മൂട്ടിക്കും മോഹൻലാലിനുമൊക്കൊപ്പമുള്ള സെൽഫി കുഞ്ചാക്കോ ബോബനാണ് സോഷ്യൽ മീഡയിൽ പങ്കുവെച്ചത്.

മലയാളത്തിന്റെ ബി​ഗ് എംസിനൊപ്പം എന്ന കുറിപ്പോടെയാണ് ചാക്കോച്ചൻ സെൽഫി പങ്കുവെച്ചത്. ഒരു മഹേഷ് നാരായണൻ ചിത്രം എന്നും പോസ്റ്റിലുണ്ട്. മഹേഷ് നാരായണൻ സംവിധാനം ചെയ്യുന്ന ചിത്രത്തിൽ കുഞ്ചാക്കോ ബോബനും ഒരു പ്രധാനവേഷത്തിലുണ്ട്. കൊളംബോയാണ് ചിത്രത്തിന്റെ പ്രധാന ലൊക്കേഷൻ.