ഖലീഫ നാളെ തീയേറ്ററുകളിലേക്ക്; മാമ്പറയ്ക്കൽ ആമിർ അലിയായി പൃഥ്വിരാജ്, ഒപ്പം മോഹൻലാലും

കൊച്ചി : പൃഥ്വിരാജ് സുകുമാരൻ-വൈശാഖ് കൂട്ടുകെട്ടിൽ ഒരുങ്ങുന്ന ‘ഖലീഫ’ നാളെ തീയറ്ററുകളിലെത്തും. സെൻസർ ബോർഡ് ചിത്രത്തിന് U/A 16+ സർട്ടിഫിക്കറ്റാണ് നൽകിയിരിക്കുന്നത്. ഏഴ് മാസം മുമ്പ് പുറത്തിറങ്ങിയ ടീസറിനൊപ്പമാണ് ചിത്രത്തിന്റെ റിലീസ് തീയതി പ്രഖ്യാപിച്ചത്.

തിരക്കഥയും സംവിധാനവും ജിനു വി എബ്രഹാമാണ്. ജിനു ഇന്നോവേഷൻസിന്റെ ബാനറിൽ ജിനു എബ്രഹാം തന്നെയാണ് ചിത്രം നിർമിക്കുന്നത്. സൂരജ് കുമാർ, ശ്രീലാൽ സൂരപാണി, സിജോ സെബാസ്റ്റ്യൻ എന്നിവരാണ് സഹ നിർമാതാക്കൾ.

തെന്നിന്ത്യൻ താരം മാളവിക ശർമ്മയാണ് ചിത്രത്തിലെ നായിക. മാമ്പറയ്ക്കൽ ആമിർ അലി എന്ന കഥാപാത്രമായാണ് പൃഥ്വിരാജ് എത്തുന്നത്. മാമ്പറയ്ക്കൽ അഹമ്മദ് അലിയായി മോഹൻലാൽ അതിഥി വേഷത്തിൽ എത്തുന്നു.

രഞ്ജി പണിക്കർ, ശിവജിത്, ഇന്ദ്രൻസ്, ഷമ്മി തിലകൻ, ഷൈൻ വർഗീസ്, മോഹിനി, കൈറാ, മാസ്റ്റർ നഫാഷ് എന്നിവരും ചിത്രത്തിലുണ്ട്. ജേക്സ് ബിജോയ് സംഗീതം ഒരുക്കിയ ചിത്രത്തിലെ ഗാനങ്ങൾ റിലീസിന് മുന്നോടിയായി ശ്രദ്ധ നേടി. ജോമോൻ ടി ജോണാണ് ഛായാഗ്രഹണം. ചമൻ ചാക്കോ എഡിറ്റിങും മോഹൻദാസ് പ്രൊഡക്ഷൻ ഡിസൈനും നിർവഹിക്കുന്നു.

യാനിക്ക് ബെൻ, ഫീനിക്സ് പ്രഭു, ചേതൻ ഡിസൂസ എന്നിവരാണ് ആക്ഷൻ കൊറിയോഗ്രാഫർമാർ. ഓണം ആഘോഷത്തിന്റെ പശ്ചാത്തലത്തിൽ വൻ പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നായാണ് ഖലീഫ നാളെ പ്രേക്ഷകർക്ക് മുന്നിലെത്തുന്നത്.