ആലിയ ഭട്ടിന്‌ ഗോൾഡൻ ഗ്ലോബ്‌സ്‌ ഹൊറൈസൺ പുരസ്‌കാരം

റിയാദ്‌: ബോളിവുഡ്‌ നടി ആലിയ ഭട്ടിന്‌ സ‍ൗദി അറേബ്യയിലെ റെഡ്‌ സീ അന്തർദേശീയ ചലച്ചിത്രോത്സവത്തിന്റെ ഗോൾഡൻ ഗ്ലോബ്‌സ്‌ ഹൊറൈസൺ പുരസ്‌കാരം. സ‍ൗദിയിലെ ജിദ്ദയിൽ നടന്ന ചടങ്ങിൽ നടി പുരസ്‌കാരം ഏറ്റുവാങ്ങി. ‘റാസി’, ‘റോക്കി ഓർ റാണി കി പ്രേം കഹാനി’, ഹോളിവുഡ്‌ സിനിമയായ ‘ ഹാർട് ഓഫ്‌ സ്‌റ്റോൺ’ തുടങ്ങിയവയിലെ അഭിനയ മികവിനാണ്‌ പുരസ്‌കാരം. ആലിയക്കൊപ്പം ടുണീഷ്യൻ– ഇ‍ൗജിപ്‌ഷ്യൻ നടിയായ ഹെന്ദ്‌ സാബ്രിയും പുരസ്‌കാരത്തിനർഹയായി.