കുഞ്ഞിമംഗലം സഹകരണ ബാങ്കിന് നവീകരിച്ച മെയിൻ ബ്രാഞ്ച്​

കുഞ്ഞിമംഗലം

കുഞ്ഞിമംഗലം സർവീസ് സഹകരണ ബാങ്കിന്റെ നവീകരിച്ച ഹെഡ്​ ഓഫീസ്, മെയിൻ ബ്രാഞ്ച് കെട്ടിടം എന്നിവയുടെ ഉദ്ഘാടനം മന്ത്രി വി എൻ വാസവൻ നിർവഹിച്ചു. എം വിജിൻ എംഎൽഎ അധ്യക്ഷനായി. ബാങ്ക് ഹാൾ മുൻ എംഎൽഎ ടി വി രാജേഷും ബസ് വെയിറ്റിങ്​ ഷെൽട്ടർ പഞ്ചായത്ത് പ്രസിഡന്റ്​ എ പ്രാർഥനയും നീതി ഇലക്ട്രിക്കൽസ്​ ജോയിന്റ്​ രജിസ്ട്രാർ ജനറൽ വി രാമകൃഷ്ണനും സ്ട്രോങ് റൂം അസിസ്റ്റന്റ്​ രജിസ്ട്രാർ ജനറൽ എ പി രജനിയും എൽഇഡി ഷോറൂം പാക്സ് അസോസിയേഷൻ ജില്ലാ സെക്രട്ടറി കെ പത്മനാഭനും ഉദ്​ഘാടനംചെയ്​തു. ജില്ലാ പഞ്ചായത്ത് അംഗം സി പി ഷിജു, വാർഡംഗം സുമയ്യ, യൂണിറ്റ്​ ഇൻസ്പെക്ടർ കെ രതീഷ്, കെസിഇയു ജില്ലാ പ്രസിഡന്റ്​ വിനോദ്, ബാങ്ക് മുൻ പ്രസിഡന്റ്​ വി ടി അമ്പു , കെ വി വാസു, എം ശ്രീജിത്ത്, ടി താജുദ്ദീൻ, പി ഗോവിന്ദൻ, വി കെ കരുണാകരൻ എന്നിവർ സംസാരിച്ചു. ബാങ്ക് പ്രസിഡന്റ്​ എം രവീന്ദ്രൻ സ്വാഗതവും സെക്രട്ടറി വി പി ഉഷാകുമാരി റിപ്പോർട്ടും ബാങ്ക് വൈസ് പ്രസിഡന്റ്​ ഗിരിധര ഗോപാലൻ നന്ദിയും പറഞ്ഞു.