ഗുസ്തിയിൽ തിളങ്ങി 
പെൺകരുത്ത്‌

ഇരിട്ടി

ഗുസ്തിയിൽ തിളങ്ങി കണ്ണൂർ ഗവ. വൊക്കേഷണൽ ഹയർ സെക്കൻഡറി സ്കൂളിലെ മൂന്ന്‌ വിദ്യാർഥികൾ. ഉളിക്കൽ അറബിക്കുളത്തെ അനീറ്റ ബിജു, കോളയാട്ടെ നിഹാര ഷൈജു, കോഴിക്കോട്‌ സ്വദേശി വൈഗ ലക്ഷ്മി എന്നിവരാണ്‌ പുതുച്ചേരിയിൽ നടന്ന അണ്ടർ 15 സ‍ൗത്ത്‌ ഇന്ത്യാ ഗുസ്തി ചാന്പ്യൻഷിപ്പിൽ മൂന്ന്‌ മെഡലുകൾ നേടി മിന്നും താരങ്ങളായത്‌. നിഹാര ഷൈജു 68 കിലോ വിഭാഗത്തിൽ സ്വർണമെഡൽ നേടി. കേരളത്തിൽനിന്നുള്ള പത്തംഗ സംഘമാണ്‌ പുതുച്ചേരി ചാന്പ്യൻഷിപ്പിൽ മാറ്റുരച്ചത്‌. അനീറ്റ ബിജുവും വൈഗാ ലക്ഷ്മിയും കടുത്ത പേരാട്ടം നടത്തി വെള്ളി മെഡലുകളും സ്വന്തമാക്കി.