വാല്പ്പാറയില് വീണ്ടും കരടിയാക്രമണം

വാല്പ്പാറ താഴെപറളി ഇന്ഡസ്ട്രിയല് റോഡിന് സമീപം തേയിലത്തോട്ടത്തിലെത്തിയ കരടിയെ തൊഴിലാളി കുടകൊണ്ട് പ്രതിരോധിക്കുന്നു
ചാലക്കുടി
വാല്പ്പാറയില് കരടിയാക്രമണം പതിവാകുന്നു. ഒരു മാസം മുമ്പ് ആറുവയസ്സുകാരനെ കരടി കൊന്നതിന്റെ ഞെട്ടല്മാറും മുമ്പേയാണ് വീണ്ടും കരടിയാക്രമണം. വ്യാഴാഴ്ച രണ്ട് ജനവാസകേന്ദ്രത്തിലാണ് കരടിയാക്രമണമുണ്ടായത്. വാല്പ്പാറ താഴെപറളി ഇന്ഡസ്ട്രിയല് റോഡിന് സമീപമുള്ള തേയിലത്തോട്ടത്തില് ജോലി നോക്കുന്നവര്ക്ക് നേരെ കരടി പാഞ്ഞടുത്തു. കുടകൊണ്ട് പ്രതിരോധിച്ചാണ് ജീവനക്കാരൻ രക്ഷപ്പെട്ടത്. ഇതിന് കുറച്ചകലെ ഇഎല് പാടിയില് ഡാനിയേലിന്റെ വീടിന് മുന്നിലും കരടിയെത്തി. വീട്ടുകാര് ബഹളം വച്ചതിനെ തുടര്ന്ന് കരടി ഓടിപോവുകയായിരുന്നു. വാല്പ്പാറയില് തോട്ടം തൊഴിലാളികളടക്കമുള്ളവര് കരടി ആക്രമണ ഭീഷണിയിലാണ്. തോട്ടം തൊഴിലാളികളാണ് കൂടുതലായും കരടിയുടെ ആക്രമണത്തിനിരയാകുന്നത്.








0 comments