പോരാടുന്ന വിദ്യാർഥികൾക്ക് കെഎസ്‌എഫ്‌ഇ 
ജീവനക്കാരുടെ ഐക്യദാർഢ്യം

തൃശൂർ

ഡൽഹി ജന്തർമന്തറിൽ പോരാടുന്ന വിദ്യാർഥികൾക്ക് ഐക്യദാർഢ്യവുമായി കെഎസ്‌എഫ്‌ഇ സ്റ്റാഫ് അസോസിയേഷൻ (സിഐടിയു ), കെഎസ്‌എഫ്‌ഇ ഓഫീസേഴ്സ് യൂണിയൻ സംയുക്ത കോ– ഓർഡിനേഷൻ ആഭിമുഖ്യത്തിൽ കെഎസ്‌എഫ്‌ഇ ഹെഡ് ഓഫീസിനു മുന്നിൽ യോഗം സംഘടിപ്പിച്ചു. എസ്‌എഫ്‌ഐ ജില്ലാ സെക്രട്ടറി ടി അഭിജിത്ത് ഉദ്ഘാടനം ചെയ്തു. ഓഫീസേഴ്സ് യൂണിയൻ ജില്ലാ സെക്രട്ടറി വി യു പ്രസന്ന അധ്യക്ഷയായി. സ്റ്റാഫ് അസോസിയേഷൻ ജില്ലാ സെക്രട്ടറി ബൈജു ആന്റണി, ജില്ലാ പ്രസിഡന്റ്‌ പി എൻ വിഷ്‌ണു, സംസ്ഥാന വൈസ് പ്രസിഡന്റ്‌ പി യു റംലത്ത്, ഓഫീസേഴ്സ് യൂണിയൻ ജില്ലാ പ്രസിഡന്റ്‌ എ ജെ ജയലക്ഷ്മി എന്നിവർ സംസാരിച്ചു.