ബിഷപ്‌ ഹ‍ൗസിലെത്തി അനുശോചനം രേഖപ്പെടുത്തി എം വി ഗോവിന്ദൻ

തൃശൂർ

അന്തരിച്ച ബിഷപ് മാർ ജേക്കബ് തൂങ്കുഴിക്ക്‌ തൃശൂർ ബിഷപ്‌ ഹ‍ൗസിലെത്തി സിപിഐ എം സംസ്ഥാന സെക്രട്ടറി എം വി ഗോവിന്ദൻ അനുശോചനം രേഖപ്പെടുത്തി. തൂങ്കുഴിയുടെ ഛായാചിത്രത്തിന്‌ മുന്നിൽ പൂക്കൾ അർപ്പിച്ചു. ആർച്ച്‌ ബിഷപ്‌ മാർ ആൻഡ്രൂഷ്‌ താഴത്തിന്റെ നേതൃത്വത്തിൽ പുരോഹിതർ എം വി ഗോവിന്ദനെ ബിഷപ്‌ ഹ‍ൗസിൽ സ്വീകരിച്ചു. സിപിഐ എം സംസ്ഥാന സെക്രട്ടറിയറ്റംഗം പി കെ ബിജു, ജില്ലാ സെക്രട്ടറി കെ വി അബ്ദുൾ ഖാദർ, തൃശൂർ ഏരിയ സെക്രട്ടറി അനൂപ്‌ ഡേവിസ്‌ കാട എന്നിവരും ഒപ്പമുണ്ടായിരുന്നു. ​സർക്കാരിന്‌ നന്ദി തൃശൂർ മാർ ജേക്കബ്‌ തൂങ്കുഴിയുടെ സംസ്‌കാരചടങ്ങുകൾ നല്ല രീതിയിൽ നടത്താനായി സർക്കാരിന്റെ പിന്തുണ ലഭിച്ചുവെന്നും അതിൽ നന്ദിയുണ്ടെന്നും ആർച്ച്‌ ബിഷപ്‌ മാർ ആൻഡ്രൂസ്‌ താഴത്ത്‌. വിലാപയാത്രയും കോഴിക്കോട്ടെ ചടങ്ങുകളും ഉദ്ദേശിച്ചതുപോലെ കൃത്യമായി നടത്താൻ സർക്കാരിന്റെയും പൊലീസിന്റെയും സഹായം ഉണ്ടായി. ഗാർഡ്‌ ഓഫ്‌ ഓണറടക്കം തൂങ്കുഴിക്ക്‌ വലിയ ആദരം ലഭിച്ചുവെന്നും അദ്ദേഹം പറഞ്ഞു.