ജോസ് പെല്ലിശേരി– കലാഭവന്‍ മണി നാടകമേള

ചാലക്കുടി

റസിഡന്‍സ് അസോസിയേഷനുകളുടെ സംഘടനയായ ക്രാക്റ്റിന്റെ നേതൃത്വത്തില്‍ 29 മുതല്‍ ഒക്‌ടോബര്‍ 5വരെ അഖില കേരള ജോസ് പെല്ലിശേരി– കലാഭവന്‍ മണി നാടകമേള സംഘടിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. കേരളത്തിലെ ഏഴ് പ്രമുഖ തിയറ്ററുകളുടെ നാടകങ്ങളാണ് അരങ്ങേറുന്നത്. വൈകിട്ട് 6.30 മുതല്‍ എസ് എന്‍ ഹാളിലാണ്‌ മേള. 29ന് വൈകിട്ട് 6ന് നാടകമേള നഗരസഭ ചെയര്‍മാന്‍ ഷിബു വാലപ്പന്‍ ഉദ്ഘാടനം ചെയ്യും. ഒക്‌ടോബര്‍ 5ന് സമാപന സമ്മേളനം സനീഷ്‌കുമാര്‍ ജോസഫ് എംഎല്‍എ ഉദ്ഘാടനം ചെയ്യും. വാര്‍ത്താസമ്മേളനത്തില്‍ ക്രാക്റ്റ് ഭാരവാഹികളായ പോള്‍ പാറയില്‍, പി ഡി ദിനേശ്, ലൂവീസ് മേലേപ്പുറം, യു കെ വാസു, എം കെ മിന്‍ഹാജ് എന്നിവര്‍ സംസാരിച്ചു.