തുമ്പിക്കൈയില്‍ വ്രണമുള്ള ആന ഷോളയാര്‍ ഭാഗത്ത്

ചാലക്കുടി

തുമ്പിക്കൈയില്‍ വ്രണമുള്ള ആനയെ ഷോളയാര്‍ ഭാഗത്ത് വീണ്ടും കണ്ടു. ഷോളയാര്‍ ആനക്കയം ഭാഗത്താണ് വ്രണമുള്ള തുമ്പിക്കൈയുമായി പിടിയാനയെ കണ്ടത്. ആറ് മാസം മുമ്പ് ഷോളയാര്‍ ഭാഗത്താണ് വ്രണമുള്ള കാട്ടാനയെ ആദ്യം കണ്ടത്. തുമ്പിക്കൈയില്‍ വ്രണമുള്ളതിനാല്‍ അധികകാലം ജീവിക്കില്ലെന്നായിരുന്നു നിഗമനം. ആനയെ നിരീക്ഷിക്കാന്‍ വനംവകുപ്പ് ശ്രമം നടത്തിയെങ്കിലും പിന്നീട് കണ്ടെത്താനായില്ല. ഇതിനിടെയാണ് ആറുമാസത്തെ ഇടവേളയ്‌ക്ക് ശേഷം വീണ്ടും ആന പ്രത്യക്ഷപ്പെട്ടത്. തുമ്പിക്കൈയിലെ വ്രണം നേരത്തേതിനേക്കാല്‍ കൂടുതല്‍ രൂക്ഷമായ അവസ്ഥയിലാണ്. വാല്‍പ്പാറ ഭാഗത്തുനിന്നാണ് ഈ ആന അതിരപ്പിള്ളി മേഖലയിലെത്തിയതെന്നാണ് നിഗമനം. ​