ഒരു വിദ്യാർഥിക്ക് രണ്ട് നമ്പരിൽ 
രണ്ട്‌ ആധാർ കാർഡ്‌

നെടുമങ്ങാട്

ആധാർ കാർഡിന് അപേക്ഷിച്ച വിദ്യാർഥിക്കു ലഭിച്ചത് വ്യത്യസ്ത നമ്പരുകളിൽ രണ്ട് ആധാർ കാർഡ്‌. പനവൂർ പൂവക്കാട് അജയപുരം സ്വദേശി എസ് ജെ ജിതിന്റെ മകൻ അതീത് ജെ കുറിപ്പി (4)നാണ് വ്യത്യസ്ത നമ്പരിൽ രണ്ട്‌ ആധാർ കാർഡ്‌ ലഭിച്ചത്. ഒരാഴ്ച മുന്പാണ് വാളിക്കോടുള്ള അക്ഷയ കേന്ദ്രത്തിൽ ജിതിൻ മകനുവേണ്ടി ആധാർകാർഡിനുള്ള അപേക്ഷ നൽകിയത്. ചൊവ്വാഴ്ചയാണ് തപാൽ വഴി കാർഡുകൾ വീട്ടിൽ എത്തിയത്. രണ്ട് കവറിലായി രണ്ട് ആധാർ കാർഡാണ് അന്നേ ദിവസം ലഭിച്ചത്. രണ്ടിലും ആധാർ കാർഡ് നമ്പർ വ്യത്യസ്തമായിരുന്നു. ​