ടൂറിസം മേഖലയ്‌ക്ക്‌ 
പുത്തനുണർവേകും

വർക്കല ​

വർക്കലയിൽ പൊതുമരാമത്ത് റസ്‌റ്റ്‌ ഹ‍ൗസ്‌ ചൊവ്വ വൈകിട്ട് 6ന് മന്ത്രി പി എ മുഹമ്മദ് റിയാസ് ഉദ്‌ഘാടനം ചെയ്യും. വർക്കല ജനാർദ്ദനസ്വാമി ക്ഷേത്രത്തിന്റെ പടിഞ്ഞാറു ഭാഗത്തായി സ്വകാര്യവ്യക്തി വർഷങ്ങളായി കൈവശംവച്ചിരുന്ന ഭൂമി നിയമനടപടികളിലൂടെ തിരിച്ചുപിടിച്ചാണ് റസ്റ്റ് ഹൗസ്‌ നിർമിച്ചത്‌. 9.32 കോടി രൂപയാണ്‌ ചെലവ്‌. 20000 ചതുരശ്രയടിയിൽ മൂന്നുനില കെട്ടിടമാണ്‌ നിർമിച്ചത്‌. 4 എസി സ്യൂട്ട് റൂമുകൾ,16 എസി ഡീലക്സ് റൂമുകൾ, 2 എസി സിംഗിൾ റൂമുകൾ, 4 നോൺ എസി സിംഗിൾ റൂമുകൾ, എസി കോൺഫറൻസ് ഹാൾ, റസ്റ്റോറന്റ്, ലിഫ്റ്റ്, പാർക്കിങ്‌ എന്നിവ സജീകരിച്ചിട്ടുണ്ട്. വർക്കല മണ്ഡലത്തിൽ വി ജോയി എംഎൽഎയുടെ വികസനപ്രവർത്തനങ്ങളിൽ ഒരു പൊൻതൂവൽകൂടിയാണ്‌ റസ്‌റ്റ്‌ ഹ‍ൗസ്‌. ഉദ്‌ഘാടനത്തിൽ വി ജോയി എംഎൽഎ അധ്യക്ഷനാകും.