ജി സ്‌റ്റീഫന്‌ കെട്ടിവയ്‌ക്കാനുള്ള 
തുക നൽകി റേഷൻ തൊഴിലാളികൾ

കാട്ടാക്കട

അരുവിക്കര മണ്ഡലത്തിലെ എൽഡിഎഫ്‌ സ്ഥാനാർഥി ജി സ്‌റ്റീഫന്‌ കെട്ടിവയ്‌ക്കാനുള്ള തുക നൽകി കേരള റേഷൻ എംപ്ലോയീസ് യൂണിയൻ (സിഐടിയു). റേഷൻ വ്യാപാരികളുടെയും സെയിൽസ്മാൻമാരുടെയും കൺവൻഷനിലാണ്‌ തുക കൈമാറിയത്‌. സിഐടിയു സംസ്ഥാന സെക്രട്ടറി കെ എസ് സുനിൽകുമാർ ഉദ്ഘാടനം ചെയ്‌തു. യൂണിയൻ സംസ്ഥാന പ്രസിഡന്റ്‌ ജി സ്റ്റീഫൻ, ജില്ലാ സെക്രട്ടറി എസ് ബിജുമോൻ, മണ്ഡലം സെക്രട്ടറി പി എസ് മധു, സരോജിനിയമ്മ, എൻ വിജയകുമാർ, നകുലൻ, ഷിഹാബുദ്ദീൻ എന്നിവർ സംസാരിച്ചു.