കളറായി കമലേശ്വരം

ചാല ‘ഇപ്പോൾ വാർഡിലെ ഏത് വഴിയിലൂടെയും യാത്ര ചെയ്യാം. പൊട്ടിപ്പൊളിഞ്ഞ് വെള്ളം കയറി കിടന്നിരുന്ന റോഡുകളെല്ലാം ഇപ്പോൾ സഞ്ചാരയോഗ്യമാണ്'. ഇത് പറയുമ്പോൾ കമലേശ്വരം തോട്ടം സ്വദേശി ഒ ലീനയുടെ വാക്കുകളിൽ സന്തോഷം പ്രകടമായിരുന്നു. അത്രയ്‌ക്ക്‌ അടിസ്ഥാന സൗകര്യ വികസനങ്ങളാണ്‌ ഇവിടെ നടപ്പിലായത്‌. അഞ്ച് വർഷംകൊണ്ട് വാർഡിലെ എല്ലാ പ്രധാന റോഡുകളും സഞ്ചാരയോഗ്യമാക്കി. ഊറ്റ് വെള്ളം കയറി ടാർ ഇളകിപ്പോകുന്ന ഭാഗങ്ങളിൽ കോൺക്രീറ്റ് ചെയ്തും ഇന്റർലോക്ക് പാകിയുമാണ് ശാശ്വത പരിഹാരം കണ്ടത്. ചെറുതും വലുതുമായ 52 റോഡുകൾ സഞ്ചാരയോഗ്യമാക്കി മാറ്റി.​

​* വെള്ളരിപ്പണയിൽ ആധുനിക ഇരുനില കൺവൻഷൻ സെന്റർ ​* വാർഡിൽ പുതിയ ഹെൽത്ത്‌ ആൻഡ്‌ വെൽനെസ് സെന്റർ ​* 10 ലക്ഷം രൂപ ചെലവിൽ മൃഗാശുപത്രി നവീകരണം * കരിയിൽ തോടിന് കുറുകെ പാലം നിർമിച്ചു * 11 വലിയ റോഡുകൾ നവീകരിച്ച്‌ സഞ്ചാരയോഗ്യമാക്കി ​* വെള്ളക്കെട്ട് ഉണ്ടാകുന്ന 9 റോഡുകൾ കോൺക്രീറ്റ് 
 ചെയ്ത് പുനർനിർമിച്ചു ​* കമലേശ്വരം -ആര്യൻകുഴി, നീലാറ്റിൻകര - ആര്യൻകുഴി 
 എന്നീ റോഡുകൾ നവീകരിച്ചു * കല്ലുംമൂടിന് സമീപം കരിയിൽ തോടിന് കുറുകെ പാലം 
നിർമിച്ചു * വീടുകൾ വാസയോഗ്യമാക്കുന്നതിന് 28 പേർക്ക് 
 സാമ്പത്തിക സഹായം നൽകി ​* സ്ഥലം വാങ്ങുന്നതിന് 14 പേർക്ക് തുക അനുവദിച്ചു ​* 35 വയോജനങ്ങൾക്ക് കട്ടിൽ നൽകി * അങ്കണവാടി ഹൈടെക്ക് ആക്കി ​* തോട്ടം ലെയിനിൽ 180 മീറ്റർ കുടിവെള്ള പൈപ്പ് ലൈൻ * 430 വീടുകളിൽ കുടിവെള്ളം ലഭ്യമാക്കി ​* വിത്ത്, വളം, ഗ്രോബാഗ്, പച്ചക്കറി തൈകൾ, വാഴക്കന്ന് 
എന്നിവ എല്ലാ വർഷവും വിതരണം 
ചെയ്തു. കോഴി, ആട്, പശു എന്നിവയും വിതരണം ചെയ്തു ​* അതിദാരിദ്ര്യ നിർമാർജനത്തി ന്റെ ഭാഗമായി ആറ് 
വീടുകളിൽ ഭക്ഷണവും മരുന്നും അവശ്യവസ്തുക്കളും 
എത്തിക്കുന്നു.