സ്വാതന്ത്ര്യദിനം 
നാടെങ്ങും ആഘോഷിച്ചു

തിരുവനന്തപുരം ​

സ്വാതന്ത്ര്യദിനാഘോഷത്തോടനുബന്ധിച്ച് നിയമസഭാങ്കണത്തിൽ സ്‌പീക്കർ തിരുവഞ്ചൂർ രാധാകൃഷ്ണൻ ദേശീയ പതാക ഉയർത്തി. വാച്ച് ആൻഡ് വാർഡിന്റെ ഗാർഡ് ഓഫ് ഓണർ സ്വീകരിച്ചശേഷം നിയമസഭാ സമുച്ചയത്തിലെ ദേശീയ നേതാക്കളുടെ പ്രതിമകളിൽ പുഷ്പാർച്ചന നടത്തി. ഡെപ്യൂട്ടി സ്പീക്കർ ഷാനിമോൾ ഉസ്മാൻ പങ്കെടുത്തു. ​ലോക്ഭവനിൽ ഗവർണർ രാജേന്ദ്ര വിശ്വനാഥ് ആർലേക്കർ ദേശീയ പതാക ഉയർത്തി. സ്‌കൂൾ വിദ്യാർഥിനികൾ വന്ദേമാതരവും ജനഗണമനയും ആലപിച്ചു. പത്മശ്രീ ലക്ഷ്മിക്കുട്ടി അമ്മ ഉൾപ്പെടെയുള്ളവർ പങ്കെടുത്തു. ​സംസ്ഥാന തെരഞ്ഞെടുപ്പ് കമീഷൻ ഓഫീസിൽ കമീഷണർ എൻ ശേഷാദ്രിനാഥൻ പതാക ഉയർത്തി. ​പൊലീസ് ആസ്ഥാനത്ത്‌ ഐജി ഹര്‍ഷിത അട്ടല്ലൂരി ദേശീയ പതാക ഉയര്‍ത്തി. ധീരസ്മൃതി ഭൂമിയില്‍ പുഷ്‌പചക്രം സമര്‍പ്പിച്ചശേഷം ഗാര്‍ഡ് ഓഫ് ഓണര്‍ സ്വീകരിച്ചു. കേരള സർവകലാശാല ആസ്ഥാനത്ത്‌ വൈസ് ചാൻസലർ പ്രൊഫ. മോഹനൻ കുന്നുമ്മലും കാര്യവട്ടം ക്യാന്പസിൽ ഡയറക്ടർ ഡോ. സി എ ജോസുകുട്ടിയും പതാക ഉയർത്തി. ​എച്ച്എൽഎൽ ലൈഫ്കെയർ ലിമിറ്റഡിന്റെ (എച്ച്എൽഎൽ) പൂജപ്പുരയിലെ ആസ്ഥാന ഓഫീസിൽ സിഎംഡി ഡോ. അനിത തമ്പി ദേശീയ പതാക ഉയർത്തി. വനിതാ കമീഷൻ ആസ്ഥാനത്ത് അധ്യക്ഷ പി സതീദേവി പതാക ഉയർത്തി.