നാടിന്‌ വഴികാട്ടി

നേമം

നേമം മണ്ഡലത്തിലെ വികസന മുന്നേറ്റങ്ങൾ എണ്ണിപ്പറഞ്ഞ്‌ എൽഡിഎഫ് സ്ഥാനാർഥി വി ശിവൻകുട്ടിയുടെ പര്യടനം തുടരുന്നു. പൂങ്കുളം, പുഞ്ചക്കരി, ആറ്റുകാൽ, കാലടി എന്നിവിടങ്ങളിലായിരുന്നു ബുധനാഴ്‌ചത്തെ വോട്ടഭ്യർഥന. രാവിലെ പൂങ്കുളത്തെ ഉന്നതികളിൽനിന്ന് ആരംഭിച്ച പര്യടനത്തിന് ആവേശകരമായ സ്വീകരണമാണ്‌ ലഭിച്ചത്.​ തുടർന്ന്‌ പുഞ്ചക്കരി, ആറ്റുകാൽ, കാലടി പ്രദേശങ്ങളിലെ പ്രചാരണ പരിപാടികളിലും പങ്കെടുത്തു. കഴിഞ്ഞ അഞ്ചുവർഷത്തിൽ മണ്ഡലത്തിൽ നടപ്പാക്കിയ വികസനങ്ങൾ തുടരാൻ വി ശിവൻകുട്ടി തന്നെ വിജയിക്കണമെന്ന് വോട്ടർമാർ അഭിപ്രായപ്പെട്ടു. സ്ഥാനാർഥിക്കൊപ്പം എൽഡിഎഫ് പ്രാദേശിക നേതാക്കളും പര്യടനത്തിൽ പങ്കെടുത്തു.