മനസ്സ്‌ കീഴടക്കി മാലിക്

വെഞ്ഞാറമൂട്

ജില്ലാ പഞ്ചായത്ത്‌ കല്ലറ ഡിവിഷൻ എൽഡിഎഫ് സ്ഥാനാർഥി മാലിക് മാങ്കോട് ജനമനസ്സുകൾ കീഴടക്കി പ്രചാരണത്തിൽ ബഹുദൂരം മുന്നിലാണ്. അത്രയ്ക്ക്‌ സ്വീകാര്യതയാണ്‌ ഓരോ കേന്ദ്രത്തിലും ലഭിക്കുന്നത്‌. കല്ലറ -പാങ്ങോട് വിപ്ലവത്തിന്റെ നാട്ടിൽ കർഷകരും തൊഴിലാളികളും ഉൾപ്പെടെയുള്ളവർ ഇരുകൈയും നീട്ടി നാടിന്റെ പ്രിയപ്പെട്ടവനെ വരവേറ്റു. പുലിപ്പാറയിൽ ആരംഭിച്ച പര്യടനം സിപിഐ എം ഏരിയ സെക്രട്ടറി ഇ എ സലിം ഉദ്ഘാടനം ചെയ്തു. അബു അധ്യക്ഷനായി. വിവിധ കേന്ദ്രങ്ങളിലെ സ്വീകരണത്തിനുശേഷം ഭരതന്നൂരിൽ സമാപിച്ചു. സ്വീകരണകേന്ദ്രങ്ങളിൽ പി എസ് മധു, എ എം റൈസ്, പി എസ് ഷൗക്കത്ത്, പി ജി ബിജു, എസ് ശ്രീമണി, ആർ സുഭാഷ്, ആർ കെ ജയകുമാർ തുടങ്ങിയവർ സംസാരിച്ചു.