41 ലിറ്റർ എണ്ണ നശിപ്പിച്ചു; 
7 സ്ഥാപനം പൂട്ടി ​

തിരുവനന്തപുരം

ഉപയോഗിച്ച പാചക എണ്ണകൊണ്ട്‌ വീണ്ടും ഭക്ഷ്യവിഭവങ്ങൾ തയ്യാറാക്കുന്നത്‌ തടയാൻ ഭക്ഷ്യസുരക്ഷാവകുപ്പ് സംസ്ഥാന വ്യാപകമായി പ്രത്യേക പരിശോധന ‘ഓപ്പറേഷൻ തെളിമ’ നടത്തി. ​രണ്ടു ദിവസമായി ജില്ലയിൽ 14 പ്രത്യേക സ്ക്വാഡുകളെ വിന്യസിച്ച് 167 സ്ഥാപനങ്ങളിലായിരുന്നു പരിശോധന. ഭക്ഷണം പാകം ചെയ്യാൻ സൂക്ഷിച്ചിരുന്ന 41 ലിറ്റർ പഴകിയ എണ്ണ നശിപ്പിച്ചു. നിയമലംഘനങ്ങൾ കണ്ടെത്തിയ ഏഴ് സ്ഥാപനങ്ങൾ അടച്ചുപൂട്ടാൻ നടപടിയെടുത്തു. ഭക്ഷ്യസുരക്ഷാ ലൈസൻസ്/ രജിസ്ട്രേഷൻ, മെഡിക്കൽ ഫിറ്റ്നസ് സർട്ടിഫിക്കറ്റ് തുടങ്ങിയവ ഇല്ലാതെ പ്രവർത്തിച്ചത്‌, വെള്ളത്തിന്റെ സുരക്ഷിതത്വം ഉറപ്പാക്കാത്തത്, ശുചിത്വ മാനദണ്ഡങ്ങൾ പാലിക്കാത്തത്, ഭക്ഷ്യവസ്തുക്കളുടെ അനാരോഗ്യകരമായ സംഭരണം തുടങ്ങിയ മറ്റ് നിയമലംഘനങ്ങളും കണ്ടെത്തി നടപടി സ്വീകരിച്ചു.