നെടുമുടിയിൽ യോഗ പരിശീലനം തുടങ്ങി

​​തകഴി

സ്ത്രീകളുടെ ശാരീരിക- മാനസിക ആരോഗ്യ സംരക്ഷണം ലക്ഷ്യമിട്ട് നെടുമുടി പഞ്ചായത്ത് നടപ്പാക്കുന്ന വനിതാ ഘടക പദ്ധതിക്ക് തുടക്കമായി.വാർഷിക പദ്ധതിയിൽ ഉൾപ്പെടുത്തി മൂന്നാം വാർഡിൽ സംഘടിപ്പിക്കുന്ന യോഗ പരിശീലനം പഞ്ചായത്ത് പ്രസിഡന്റ് പി കെ വിനോദ് ഉദ്ഘാടനം ചെയ്തു. ​ തദ്ദേശ സ്വയംഭരണ സ്ഥാപനങ്ങൾ വഴി നടപ്പാക്കുന്ന ജനകീയ പദ്ധതികളുടെ ഭാഗമായാണ് 21 ദിവസം നീണ്ടുനിൽക്കുന്ന പരിശീലനം സംഘടിപ്പിക്കുന്നത്. നിഷ കമൽ പരിശീലന ക്ലാസുകൾക്ക് നേതൃത്വം നൽകി. എഡിഎസ് സെക്രട്ടറി ശ്രീലത സുധീർ, മായ ജെയ്‌മോൻ എന്നിവർ സംസാരിച്ചു.