ഭിന്നശേഷി വാരാചരണം
രക്ഷിതാക്കൾക്ക്‌ ആദരമായി ‘അമ്മത്തണൽ’
എസ്‌എസ്‌കെ ചേർത്തല ബിആർസി നേതൃത്വത്തിൽ ഗൃഹാധിഷ്‌ഠിത വിദ്യാഭ്യാസം നേടുന്ന കുട്ടികളുടെ രക്ഷിതാക്കളെ ആദരിച്ച ‘അമ്മത്തണൽ’ പരിപാടി ബ്ലോക്ക്‌ പ്രോജക്‌ട്‌ കോ ഓർഡിനേറ്റർ ടി ഒ സൽമോൻ ഉദ്‌ഘാടനംചെയ്യുന്നു
ചേർത്തല
സമഗ്രശിക്ഷ കേരളം ആലപ്പുഴയുടെ കീഴിൽ ചേർത്തല ബിആർസി ഭിന്നശേഷി വാരാചരണത്തോടനുബന്ധിച്ച് ഗൃഹാധിഷ്‌ഠിത വിദ്യാഭ്യാസം നേടുന്ന പൂർണമായും കിടപ്പിലായ കുട്ടികളുടെ രക്ഷിതാക്കളെ ആദരിക്കാൻ "അമ്മത്തണൽ’ ഒരുക്കി. ജ്യോത്സ്‌ന ജോയ്(സെന്റ്‌ അഗസ്‌റ്റിൻ എച്ച്‌എസ്‌, മാരാരിക്കുളം), സെനോ റിറ്റ(എസ്‌സിഎംവി ഗവ. യുപിഎസ്‌, ചെട്ടികാട്‌), ഗിൽ ക്രിസ്‌റ്റ്‌ സെൽവൻ(എസ്‌എഫ്‌എഎച്ച്‌എസ്‌എസ്‌, അർത്തുങ്കൽ) എന്നിവരുടെ വീട്ടിലായിരുന്നു ആദരിക്കൽ പരിപാടി. കൂടുതൽ കുട്ടികളുടെ വീടുകളിൽ പരിപാടി ഒരുക്കും. ചേർത്തല ബ്ലോക്ക്‌ പ്രോജക്‌ട്‌ കോ–ഓർഡിനേറ്റർ ടി ഒ സൽമോൻ ഉദ്ഘാടനംചെയ്‌തു. രക്ഷകർത്താവിനെ പൊന്നാടയും ഫലകവും നൽകിയാണ്‌ ആദരിച്ചത്‌. ബിആർസി ട്രെയിനർ മേരി ദയ എന്നിവർ സംസാരിച്ചു.
Related News
Dont Miss it
0 comments