കാഴ്ചയുടെ കരുതലുമായി 
140 കുട്ടികൾക്ക് കണ്ണട നൽകി ​

മുഹമ്മ

മുഹമ്മ, ചേർത്തല ലയൺസ് ക്ലബ്ബുകൾ ചേർന്ന് ‘സൈറ്റ് ഫോർ കിഡ്‌സ്' പദ്ധതിയുടെ ഭാഗമായി കാഴ്ച പരിമിതിയുള്ള കുട്ടികൾക്കായി സൗജന്യ കണ്ണട വിതരണംചെയ്‌തു. 140 കുട്ടികൾക്കാണ് കണ്ണടകൾ നൽകിയത്. മണ്ണഞ്ചേരി പൊലീസ് സ്റ്റേഷൻ എസ്എച്ച്ഒ പി ജി മധു വിതരണം ഉദ്ഘാടനംചെയ്‌തു. ​റീജിയൻ ചെയർമാൻ അഡ്വ. ടി സജി അധ്യക്ഷനായി . സോൺ ചെയർമാന്മാരായ കിഷോർ ചാറ്റർജി, അഡ്വ. പ്രിയ അരുൺ, ചേർത്തല ലയൺസ് ക്ലബ് പ്രസിഡന്റ് അഡ്വ. തര്യൻ കടവൻ, മുഹമ്മ ലയൺസ് ക്ലബ് പ്രസിഡന്റ് ഗണേഷ് കുമാർ, സെക്രട്ടറി ജയകുമാർ എന്നിവർ സംസാരിച്ചു.