കെ കെ പ്രതാപന് സ്മരണാഞ്‌ജലി

കഞ്ഞിക്കുഴി

കായികാധ്യാപകനും സംസ്ഥാന അധ്യാപക അവാർഡ് ജേതാവുമായിരുന്ന കെ കെ പ്രതാപന്റെ ഒന്നാം ചരമ വാർഷികം ആചരിച്ചു. ഓൾഡ് സ്പോർട്സ് സ്റ്റുഡന്റ്സ് അസോസിയേഷനാണ് അനുസ്മരണം സംഘടിപ്പിച്ചത്. സമ്മേളനത്തിൽ സ്പോർട്സ് കൗൺസിൽ പ്രസിഡന്റ് വി ജി വിഷ്‌ണു അനുസ്മരണ പ്രഭാഷണം നടത്തി. ഒളിമ്പ്യൻ കെ ജെ മനോജ്‌ലാൽ അധ്യക്ഷനായി. അത്ലറ്റിക് അസോസിയേഷൻ ജനറൽ സെക്രട്ടറി സി ടി സോജി, സെക്രട്ടറി എസ് പി സുജീഷ്, ഓൾഡ് സ്പോർട്സ് സ്റ്റുഡന്റ്സ് അസോസിയേഷൻ സെക്രട്ടറി പി പ്രസാദ്, കെ ആർ ബ്രിജിത് എന്നിവർ സംസാരിച്ചു.ചടങ്ങിൽ കെ കെ പ്രതാപന്റെ ഭാര്യ രാധ, മക്കൾ പ്രവീണ, പ്രശാന്ത് എന്നിവരും പൂർവ കായിക താരങ്ങൾ, കായിക താരങ്ങൾ, രക്ഷിതാക്കൾ തുടങ്ങിയവരും പങ്കെടുത്തു.