ബിഎസ്എൻഎൽ ഓഫീസിൽ 
മരങ്ങൾക്ക്‌ കൂട്ടക്കുരുതി

കായംകുളം

പരിസ്ഥിതി ദിനത്തിൽ കായംകുളം ബിഎസ്എൻഎൽ ഓഫീസ് അങ്കണത്തിലെ വൃക്ഷങ്ങൾക്ക് കൂട്ടക്കുരുതി. 25 ഓളം മരങ്ങളാണ്‌ വെട്ടി മാറ്റിയത്‌. മാവ്, പ്ലാവ്, ആഞ്ഞിലി അടക്കമുള്ളവയാണ് വെട്ടിയത്. സമീപവാസിയുടെ പരാതിയിൽ മരം ന‍ീക്കാനാണ് വെട്ടുകാർ എത്തിയത്. ഉദ്യോഗസ്ഥരുടെ നിർദേശപ്രകാരമാണ്‌ ഇത്രയും മരം വെട്ടിയതെന്ന്‌ ജീവനക്കാർ പറയുന്നു. നടപടിക്രമം പാലിക്കാതെയാണ് മരം വെട്ടിയതെന്ന് ആരോപിച്ച്‌ ജീവനക്കാർ രംഗത്ത് വന്നതോടെ കൂടുതൽ എണ്ണം മുറിക്കാതെ വെട്ടുകാർ പിൻവാങ്ങി.