അഗ്‌നിരക്ഷാസേന ജലസംഭരണി 
പരിശോധിച്ചു

ചേര്‍ത്തല

കടക്കരപ്പള്ളി കൊട്ടാരം ജലസംഭരണിയുടെ മുകളിൽ തെരുവുനായ കയറിയതായി നാട്ടുകാർ സംശയം ഉയർത്തിയതോടെ അധികൃതർ പരിശോധന നടത്തിയെങ്കിലും കണ്ടെത്താനായില്ല. അഗ്‌നിരക്ഷാസേന നായപിടിത്തക്കാരുടെ സഹായത്തോടെ 100 അടിയോളം ഉയരെ സംഭരണിയിലെത്തിയാണ്‌ പരിശോധിച്ചത്‌. ചെറിയ പടവുകളാണ് ജലസംഭരണിയിലേക്കുള്ളത്. പ്രവേശിക്കുന്നയിടത്ത്‌ ഗേറ്റുണ്ട്. ജലസംഭരണിയുടെ മുകളില്‍ നായയുടെ കുരകേട്ടെന്നാണ് നാട്ടുകാര്‍ പറഞ്ഞത്. വ്യാഴം രാവിലെയായിരുന്നു അഗ്നിരക്ഷാസേനയുടെ പരിശോധന. നായ മുകളിലെത്താൻ സാധ്യതയില്ലെന്നും ജലസംഭരണി സുരക്ഷിതമാണെന്നും ജല അതോറിറ്റി അധികൃതർ പറഞ്ഞു. മൂടിയുള്ളതാണ്‌ സംഭരണി. സംശയം ഉയർന്ന സാഹചര്യത്തിൽ സംഭരണി ശുദ്ധീകരിക്കുമെന്നും അധികൃതര്‍ പറഞ്ഞു.