ഹുണ്ടിക സ്ഥാപിക്കൽ ആരംഭിച്ചു

കഞ്ഞിക്കുഴി

സെപ്തംബർ 18, 19, 20 തിയതികളിൽ ആലപ്പുഴയിൽ നടക്കുന്ന കേരള കർഷകസംഘം സംസ്ഥാന സമ്മേളനത്തിനായുള്ള സാമ്പത്തികശേഖരണത്തിന്റെ ഭാഗമായി കർഷക ഭവനങ്ങളിൽ ഹുണ്ടിക സ്ഥാപിച്ചു. സംസ്ഥാന വനിതാകർഷക അവാർഡ്‌ ജേതാവ് കഞ്ഞിക്കുഴിയിലെ ആഷ ഷൈജുവിന് നൽകി ജില്ലാ സെക്രട്ടറി സി ശ്രീകുമാർ ഉണ്ണിത്താൻ ഉദ്ഘാടനംചെയ്തു. ഏരിയാ പ്രസിഡന്റ്‌ വി സലിം കുമാർ അധ്യക്ഷനായി. സെക്രട്ടറി വി ശശീന്ദ്രൻ, എം സന്തോഷ് കുമാർ, സി വി മനോഹരൻ, സിപിഐ എം ഏരിയാ സെക്രട്ടറി ബി സലിം, കെ സുരജിത്ത്, എം കെ സജി, ജി മുരളി, ജമീല പുരുഷോത്തമൻ, വി കെ പ്രസാദ്, ടി ജി ഗോപിനാഥ്, വി ഷൺമുഖൻ, വി സുദർശനൻ എന്നിവർ സംസാരിച്ചു.