ശിവഗിരി തീർഥാടന കൊടിക്കയർ
പദയാത്ര പുറപ്പെട്ടു

ചേർത്തല
ശിവിഗിരി തീർഥാടന നഗറിലേക്കുള്ള കൊടിക്കയർ പദയാത്ര ശ്രീനാരായണഗുരു കണ്ണാടി പ്രതിഷ്‌ഠിച്ച കളവങ്കോടം ശക്തീശ്വര ക്ഷേത്രത്തിൽനിന്ന്‌ പുറപ്പെട്ടു. താലൂക്ക് മഹാസമാധി ദിനാചരണ കമ്മിറ്റി ആഭിമുഖ്യത്തിലാണ്‌ പദയാത്ര. ​മന്ത്രി പി പ്രസാദ്‌ ഉദ്‌ഘാടനംചെയ്‌തു. സി ആര്‍ ദേവരാജ് ചാരങ്കാട്ട് ദീപംതെളിച്ചു. കമ്മിറ്റി ചെയർമാൻ വിജയഘോഷ് ചാരങ്കാട്ട് അധ്യക്ഷനായി. ക്ഷേത്രയോഗം പ്രസിഡന്റ്‌ സി കെ ഷാജിമോഹനിൽനിന്ന്‌ ഏറ്റുവാങ്ങിയ കൊടിക്കയർ ശിവഗിരിമഠം എക്‌സിക്യൂട്ടീവംഗം വിശാലാനന്ദസ്വാമികള്‍ പദയാത്രാ ക്യാപ്റ്റൻ വിജയഘോഷ്‌ ചാരങ്കാട്ടിന്‌ കൈമാറി.​കൺവീനർ കെ ആർ രാജു കുത്തിയതോട്, ശ്രീനാരായണ മെമ്മോറിയൽ ഗവ. ഹയർസെക്കൻഡറി സ്‌കൂൾ പ്രിൻസിപ്പൽ ലേജുമോൾ, വൈസ് ചെയർമാൻ പി എം പുഷ്‌കരൻ പുത്തൻകാവ്, ദേവസ്വം സെക്രട്ടറി ശാന്തകുമാർ, പ്രദീപ് ചെങ്ങണ്ട എന്നിവർ സംസാരിച്ചു. ​നൂറോളം പദയാത്രികർ അനുഗമിക്കുന്ന പദയാത്ര വിവിധയിടങ്ങളിലെ സ്വീകരണശേഷം 29-ന് വൈകിട്ട് നാലിന് വര്‍ക്കലയില്‍ എത്തും. ശ്രീനിവാസപുരം പൗരസമിതി വരവേല്‍ക്കും. ആറിന് ശിവഗിരി മഹാസമാധി മണ്ഡപത്തില്‍ കൊടിക്കയര്‍ സമര്‍പ്പിക്കും.