നീതി മെഡിക്കൽ സ്‌റ്റോർ തുറന്നു

അമ്പലപ്പുഴ ​

അമ്പലപ്പുഴ സർവീസ് സഹകരണസംഘത്തിന്റെ നീതി മെഡിക്കൽ സ്‌റ്റോർ പ്രവർത്തനമാരംഭിച്ചു. കാക്കാഴത്തെ സംഘം കെട്ടിടത്തിൽ ആരംഭിച്ച മെഡിക്കൽ സ്‌റ്റോർ അമ്പലപ്പുഴ വടക്ക് പഞ്ചായത്ത് പ്രസിഡന്റ്‌ അനിത സതീഷ് ഉദ്ഘാടനംചെയ-്‌തു. 15% മുതൽ 75% വരെ വിലക്കുറവിൽ മരുന്നുകൾ ഇവിടെനിന്ന്‌ ലഭിക്കും. കൺസ്യൂമർഫെഡ് എക-്‌സിക്യൂട്ടീവ് കമ്മിറ്റിയംഗവും സംഘം പ്രസിഡന്റുമായ എ ഓമനക്കുട്ടൻ അധ്യക്ഷനായി. കൺസ്യൂമർഫെഡ് റീജണൽ മാനേജർ കുര്യൻ സി മാത്യു ആദ്യവിൽപ്പന നടത്തി. പഞ്ചായത്ത് വൈസ-്‌പ്രസിഡന്റ്‌ രജിത സന്തോഷ്, സംഘം സെക്രട്ടറി എം സജീഷ്ജിത്ത് പഞ്ചായത്തംഗങ്ങളായ ഷീജ ബഷീർ, പി രേഷ്‌മ, സംഘം ഭരണസമിതിയംഗങ്ങളായ പി കെ ശ്രീഹർഷൻ, എച്ച് സുബൈർ, പി ഉമ്മർ, ബി ബിനുമോൻ, മാജിദ, മഞ്‌ജുഷ എന്നിവർ സംസാരിച്ചു.