ചേർത്തലയ്ക്ക് ചെറുപ്പം
എസ് സോബിൻ ചെയർപേഴ്സൺ
സ്വന്തം ലേഖകൻ
Published on Dec 27, 2025, 01:23 AM | 1 min read
ചേർത്തല
ചേര്ത്തല നഗരസഭാ ചെയര്പേഴ്സണായി സിപിഐ എമ്മിലെ എസ് സോബിനെയും വൈസ് ചെയര്പേഴ്സണായി സിപിഐയിലെ എന് എല് വത്സലകുമാരിയെയും തെരഞ്ഞെടുത്തു. ചെയര്മാന് തെരഞ്ഞെടുപ്പില് കോണ്ഗ്രസ് സ്ഥാനാര്ഥി പി ഉണ്ണികൃഷ്ണന് പത്തും എസ് സോബിന് 21 വോട്ടുമാണ് ലഭിച്ചത്. എന്ഡിഎ സ്ഥാനാര്ഥി ഡി ജ്യോതിഷിന് 10–ാം വാര്ഡിലെ സ്വതന്ത്രയുടേത് ഉൾപ്പെടെ നാല് വോട്ടും ലഭിച്ചു. 28–ാം വാര്ഡിലെ ബിജെപി കൗൺസിലർ യോഗത്തിൽ പങ്കെടുത്തില്ല. ചെയർപേഴ്സണ് വരണാധികാരി റിജോ മാത്യു സത്യവാചകം ചൊല്ലിക്കൊടുത്തു. വൈസ് ചെയര്പേഴ്സൺ തെരഞ്ഞെടുപ്പില് കോണ്ഗ്രസിലെ സിന്ധു ബൈജുവിനെ 10നെതിരെ 21 വോട്ടുകള്ക്കാണ് എന് എല് വത്സലകുമാരി പരാജയപ്പെടുത്തിയത്. ബിജെപിയിലെ ആശ മുകേഷിന് നാല് വോട്ട് ലഭിച്ചു. ചെയർപേഴ്സൺ, വൈസ് ചെയർപേഴ്സണ് സത്യവാചകം ചൊല്ലിക്കൊടുത്തു. എല്ഡിഎഫ് ധാരണപ്രകാരം രണ്ടരവര്ഷം വീതം സിപിഐയും കേരള കോണ്ഗ്രസ് എമ്മും വൈസ് ചെയര്മാന് സ്ഥാനം പങ്കിടും.
Related News
Dont Miss it
0 comments