എൽഐസി ഏജന്റുമാരുടെ സമ്മേളനം

ചെങ്ങന്നൂർ
എൽഐസിയെ പൊതുമേഖലയിൽ നിലനിർത്തണമെന്ന്‌ ​എൽഐസി ഏജന്റ്‌സ്‌ ഓർഗനൈസേഷൻ ഓഫ് ഇന്ത്യ (സിഐടിയു) ചെങ്ങന്നൂർ യൂണിറ്റ് സമ്മേളനം ആവശ്യപ്പെട്ടു. സമ്മേളനം യൂണിയൻ കോട്ടയം ഡിവിഷൻ ജനറൽ സെക്രട്ടറി എസ് സനൽകുമാർ ഉദ്ഘാടനംചെയ്‌തു. ഇ ജി ഹരികുമാർ അധ്യക്ഷനായി. ബ്രാഞ്ച് എക്‌സിക്യൂട്ടീവ് അംഗം രാധിക അനുശോചനപ്രമേയം അവതരിപ്പിച്ചു. ​ജില്ലാ പ്രസിഡന്റ് ജി എസ് ഉണ്ണി, സംസ്ഥാനകമ്മറ്റിയഗം വി ജോയികുട്ടി, സിഐടിയു ജില്ലാ കമ്മിറ്റിയംഗം പി എൻ സെൽവരാജ് , ചെങ്ങന്നൂർ ബ്ലോക്ക്‌ പഞ്ചായത്ത്‌ പ്രസിഡന്റ് എൻ സുധാമണി, ബ്രാഞ്ച് ജോയിന്റ് സെക്രട്ടറി ഗംഗാദേവി എന്നിവർ സംസാരിച്ചു. സംസ്ഥാന കമ്മിറ്റി അംഗം ശോശാമ്മ പൊടിയൻ ഭാവിപരിപാടികൾ അവതരിപ്പിച്ചു. ബ്ലോക്ക് പഞ്ചായത്ത്‌ പ്രസിഡന്റ് എൻ സുധാമണിയെയും ബിസിനസ് മികവ് കാട്ടിയ ഏജന്റുമാരെയും അനുമോദിച്ചു. ​ഭാരവാഹികൾ: ഒ എസ് ഉണ്ണികൃഷ്‌ണൻ (പ്രസിഡന്റ്‌), റീവ രത്ന (വൈസ്‌പ്രസിഡന്റ്‌), ഉഷാഭാരതി (സെക്രട്ടറി), ഗംഗാദേവി (ജോയിന്റ്‌ സെക്രട്ടറി), ഉത്തമൻനായർ (ട്രഷറർ).